ەلوردادا قوعامدىق كولىك قىزمەتى قايتا توقتاۋى مۇمكىن
«قوعامدىق كولىك 12- مامىردان باستاپ قاتىناي باستادى. ازىرگە جەلىدە - قالالىق باعىتتار عانا. اۆتوبۋس جۇرگىزۋشىلەرى قاۋىپسىزدىك شارالارىن ساقتايدى، ياعني ماسكا تاعادى، قولعاپ كيەدى جانە انتيسەپتيك قولدانادى. COVID-19 جۇقتىرۋ قاۋپى ءالى سەيىلمەگەندىكتەن، جولاۋشىلاردى قوعامدىق كولىكتە بەتپەردە تاعىپ جۇرۋگە شاقىرعان ەدىك. وكىنىشكە قاراي، بارلىعى ەرەجەنى ءبىر ادامداي ساقتاي بەرمەيدى»، - دەدى CTS كومپانياسىنىڭ باسپا ءسوز حاتشىسى وكسانا لوسكۋتوۆا.
ونىڭ ايتۋىنشا، 27- ناۋرىزدان 16- ساۋىرگە دەيىن 1№ اۆتوپاركتىڭ ءبىر قىزمەتكەرى اۋىرعان اداممەن بايلانىستا بولعاندىقتان، كارانتينگە جابىلعان.
«ەگەر دە جاعداي تاعى قايتالانسا، قوعامدىق كولىك تۇگەلىمەن توقتاۋى مۇمكىن. سول سەبەپتى ەلوردا تۇرعىندارىن ءوزىنىڭ جانە اينالاسىنداعى ادامداردىڭ دەنساۋلىعىنا بەي-جاي قاراماي، سانيتارلىق نورمالاردى ساقتاۋعا شاقىرامىز»، - دەدى وكسانا لوسكۋتوۆا.