+7 (701) 759 90 19
18 °С : نۇر-سۇلتان
19 °С : الماتى
USD 399.67 EUR 452.95
RUB 5.82 CNY 56.36
جاڭالىقتار

فۋتبولدان گەرمانيا چەمپيوناتى قايتا جالعاستى

17 مامىر 15:15
:ءبولىسۋ
فۋتبولدان گەرمانيا چەمپيوناتى قايتا جالعاستى

نۇر-سۇلتان. قازاقپارات - ەكى ايعا سوزىلعان ۇزىلىستەن كەيىن فۋتبولدان گەرمانيا چەمپيوناتى قايتا جالعاستى، دەپ حابارلايدى قازاقپارات ءتىلشىسى.

ەۋروپاداعى جەتەكشى ءتورت چەمپيوناتتىڭ قاتارىنا كىرەتىن بۋندەسليگانىڭ 26-تۋرى كورەرمەندەرسىز وتۋدە. التىن جۇلدەدەن ۇمىتكەر دورتمۋندتىڭ «بورۋسسيا» كومانداسى ءوز الاڭىندا «شالكەنى» قابىلداپ، 4:0 ەسەبىمەن تاس-تالقان ەتتى.

بۇل ماتچتا الاڭ يەلەرىنەن پورتۋگاليالىق رافاەل گەررەيرۋ قوس گولدىڭ اۆتورى اتانسا، نيدەرلاندىلىق جاس شابۋىلشى ەرلينگ حولانن مەن بەلگيالىق تورگان ازار دا قۇر كەتكەن جوق. بۋندەسليگادا ۇزدىك تورتتىككە ىلىنگەن كوماندالار چەمپيوندار ليگاسىنا جولداما الادى. سودان ۇمىتكەرلەردىڭ ءبىرى مەنحەنگلادباحتىڭ «بورۋسسياسى» دا ءوز باسەكەسىن ءساتتى وتكىزىپ، ءۇشىنشى ورىنعا كوتەرىلدى.

ماينداعى فرانكفۋرتتا جەرگىلىكتى «اينتراحتپەن» بولعان ماتچتىڭ العاشقى جەتى مينۋتىندا-اق قوناقتاردان فرانسيالىقتار الاسسان پلەا مەن ماركۋس تيۋرام ەكى گول سوعىپ، ماسەلەنى شەشىپ تاستادى دەۋگە بولادى.

ەكىنشى تايمدا الجيرلىك قورعاۋشى رامي بەنسەبايني 11 مەترلىك پەنالتيدەن ەسەپتى 3:0 گە جەتكىزسە، الاڭ يەلەرىنەن پورتۋگاليالىق اندرە سيلۆا ەسەپتى قىسقارتا الدى. ەسەسىنە جۇلدەلى ورىندارعا قول سوزىپ كەلە جاتقان، چەمپيوندار ليگاسىندا ويناپ جۇرگەن «لەيپتسيگ» كومانداسى ءوز الاڭىندا ءسۇرىندى.

«فرايبۋرگتىڭ» قورعاۋشىسى، گەرمانيالىق مانۋەل گۋلدە ءبىرىنشى تايمدا ەسەپ اشىپ، كومانداسىن العا شىعاردى. ال الاڭ يەلەرى كوپتەگەن مۇمكىندىكتى ءمۇلت جىبەردى. تەك كوماندا كاپيتانى، دانيالىق شابۋىلشى يۋسسۋف پوۋلسەن تارازى باسىن تەڭەستىرە الدى. بۇدان كەيىن «لەيپتسيگ» ءتىپتى جەڭىلىپ قالا جازدادى.

ابىروي بولعاندا، تورەشىلەر دۇرىس شەشىم قابىلداپ، ويىننان تىس قالعان قوناقتاردىڭ قوسىمشا مينۋتتا سوققان دوبىن ەسەپتەگەن جوق. ءسويتىپ بۇل ويىن 1:1 ەسەبىمەن تەڭ اياقتالدى.

«ۆولفسبۋرگ» اۋگسبۋرگتا جەرگىلىكتى كلۋبتى 2:1 ەسەبىمەن تىزە بۇكتىرىپ، ەۋروپا ليگاسىندا ويناۋعا مۇمكىندىك بەرەتىن التىنشى ورىنعا شىقتى. بۋندەسليگادا 55 ۇپايمەن كوش باستاپ كەلە جاتقان اتاقتى «باۆاريا» (ميۋنحەن) 26-تۋردا جەكسەنبى كۇنى بەرليندە «ۋنيون» كومانداسىمەن شەبەرلىك بايقاسادى.

ميۋنحەندىكتەردى قوس «بورۋسسيا» وكشەلەپ كەلەدى. دورتمۋندتىقتاردا 54 ۇپاي بولسا، مەنحەنگلادباح كلۋبىنىڭ ودان ەكى ۇپايى كەم. 51 ۇپاي جيناعان «لەيپتسيگ» ءتورتىنشى ورىندا. بەسىنشى ساتىداعى «بايەر» (47 ۇپاي) سىرت الاڭدا كوش سوڭىنداعى «ۆەردەرمەن» كۇش سىناسادى.

ەسكە سالا كەتەيىك، بۇدان بۇرىن فۋتبولدان گەرمانيا بىرىنشىلىگى قايتا جالعاساتىنىن جازعان بولاتىنبىز.


باستى سوزدەر: سپورت,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات