سپورتتىق مانسابىن «كانەلو» گولوۆكيننەن بۇرىن اياقتاۋى مۇمكىن

نۇر-سۇلتان. قازاقپارات - ساۋل الۆارەستىڭ (53-1-2، 36 ك و) باپكەرى ەددي رەينوسو مەكسيكالىق بوكسشىنىڭ كارەراسىن اياقتاۋىن جوسپارلاپ وتىرعاندىعىن ايتتى، دەپ حابارلايدى Sports.kz.

«ەگەر «كانەلو» قازىرگىدەي قالىپتا جۇمىس ىستەر بولسا، وندا ەشقانداي ماسەلە تۋىندامايدى.

مەنىڭ ويىمشا، وعان بوكستا ونەر كورسەتۋىنە ءالى 5-7 جىلداي بار»، دەپ ەسەپتەيدى رەينوسو.

وسىلاي جالعاسا بەرسە، «كانەلو» 34-36 جاسىندا مانسابىن اياقتايدى.

ەگەر سالىستىرار بولساق، الۆارەستىڭ قارسىلاسى، قازاقستاندىق بوكسشى گەننادي گولوۆكين (40-1-1, 35 ك و) ءتىپتى 38 جاسىندا جۇدىرىقتاسىپ ءجۇر جانە ازىرگە سپورتتان كەتۋدى جوسپارلاپ جۇرگەن جوق بۇدان باسقا گولوۆكين «كانەلومەن» ءۇشىنشى ايقاستى كۇتۋدە.

ولاردىڭ تالاس تۋدىرعان سوڭعى جەكپە-جەگى تورەشىلەردىڭ باسىم داۋسىمەن «كانەلونىڭ» جەڭىسىمەن اياقتالعان بولاتىن.