ساعىنتايەۆ: يندۋستريالىق جوبالار الماتىنىڭ باسەكەگە قابىلەتتى بولۋىنا مۇمكىندىك بەرەدى

الماتى. قازاقپارات - بۇگىن الماتى اكىمى باقىتجان ساعىنتايەۆ يندۋستريالىق ايماقتاعى جوبالاردىڭ جۇزەگە اسىرىلۋ بارىسىمەن تانىستى، دەپ حابارلايدى قازاقپارات ءتىلشىسى.

كارانتين شارالارىنىڭ باسەڭدەۋىنە بايلانىستى كاسىپورىندار بۇرىنعى جۇمىس رەجيمىنە ورالۋدا.

«بىلتىر يندۋستريالدى ايماقتىڭ جۇمىس ىستەۋ پرينتسيپىن قايتا قاراستىردىق. قالاعا ەكونوميكانىڭ ناقتى سەكتورىن قايتارىپ، دامىتۋ قاجەت. بۇگىندە 12 جوبا جۇزەگە اسىرىلدى. تاعى 46 جوبا ىسكە اسىرىلۋ ساتىسىندا تۇر. سونىڭ 10-ىن - بيىل، ال 23- ءىن - كەلەسى جىلى ىسكە قوسۋدى جوسپارلاپ وتىرمىز. بارلىق 58 جوبانىڭ ينۆەستيتسياسىنىڭ جالپى سوماسى - 248 ميلليارد تەڭگە بولىپ وتىر. تاماق پەن مەديتسينا ونەركاسىبى، لوگيستيكا، قۇرىلىس جانە اۆتوموبيل جاساۋ سالاسىنداعى جوعارى بىلىكتى ماماندار ءۇشىن 8,5 مىڭ جۇمىس ورنى قۇرىلادى»، - دەدى اكىم.

سونداي جوبالاردىڭ ءبىرى - ەنەرگەتيكالىق ءتيىمدى ساۋلەتتىك قاسبەتتەر زاۋىتى سالىنىپ جاتىر. كاسىپورىن جوعارى ساپالى ەنەرگيا ۇنەمدەيتىن پ ۆ ح جانە اليۋمينيي پروفيلدىك قۇرىلىمداردى شىعارۋدى جولعا قويىپ وتىر. ونىڭ قۋاتى — جىلىنا 475 مىڭ شارشى مەتر. ال جوبانىڭ قۇنى - 3,8 ميلليارد تەڭگە. 80 جۇمىس ورنى اشىلادى.

ءبىرىنشى كەزەڭى وتكەن جىلدىڭ سوڭىندا باستالعان Hyundai Trans Kazakhstan اۆتوقۇراستىرۋ زاۋىتىندا جىلىنا 45 مىڭ اۆتوكولىك شىعارىلادى. جۇمىس كولەمنىڭ %75- ىن - قازاقستاندا، 25 پايىزىن تاياۋ شەت ەلدەردە ىسكە اسىرۋ جوسپارلانعان. ەكىنشى كەزەڭدى ىسكە قوسۋ كۇزگە جوسپارلانعان. بوياۋ، دانەكەرلەۋ جانە باسقا دا وندىرىستىك اۆتوماتتاندىرىلعان جەلىلەر اشىلادى. بۇل رەتتە كاسىپورىن وقشاۋلاۋ ۇلەسىن 5 جىل ىشىندە ءبىر مودەل ءۇشىن بىرتىندەپ % 50- عا دەيىن وسىرە وتىرىپ جەتكىزەدى. جوبانىڭ جالپى قۇنى - 25 ميلليارد تەڭگە. مۇندا 700 جۇمىس ورنى اشىلادى. قالا اكىمى اتاپ وتكەندەي، الماتىنى يندۋستريالاندىرۋ ءۇشىن جوعارى تەحنولوگيالىق وندىرىستەر قۇرۋ قاجەت، وندا بىلىكتى ماماندار ءۇشىن جوعارى اقى تولەنەتىن جۇمىس ورىندارى اشىلادى.

«مۇنداي جوبالار الماتىنىڭ الەمدەگى دامىعان قالالاردىڭ اراسىندا باسەكەگە قابىلەتتى بولۋىنا مۇمكىندىك بەرەدى. وعان قوسا جاڭا ەكونوميكالىق مودەلىنىڭ نەگىزىنە اينالادى. ەكونوميكانىڭ قۇرىلىمدىق مانيەۆرىنىڭ باستى ماقساتى دا وسى. ەكسپورتتىق وندىرىستەردى دامىتۋ جانە الەمدىك جوعارى تەحنولوگيالار ەكونوميكاسىنداعى ءبىزدىڭ وندىرۋشىلەردىڭ ۇلەسىن كەڭەيتۋ قالا ەكونوميكاسىن ءارتاراپتاندىرۋعا مۇمكىندىك بەرەدى»، — دەدى باقىتجان ساعىنتايەۆ.

يندۋستريالىق ايماقتا ازىق- تۇلىك قاۋىپسىزدىگىن قامتاماسىز ەتۋ شارالارى شەڭبەرىندە جىلىجاي كەشەنىنىڭ جوباسى ىسكە اسىرىلدى. قۋاتى 7,2 مىڭ توننا بولاتىن كوكونىس ءوندىرىسى جولعا قويىلدى. جوبا قۇنى - 7,8 ميلليارد تەڭگە. 185 جۇمىس ورنى اشىلعان. وندىرىستە تىڭايتقىشتار مەن مينەرالداردى اۆتوماتتى تۇردە بەرەتىن تامشىلاتىپ سۋارۋ جۇيەسى قولدانىلادى.

سونداي- اق، تاماق ونەركاسىبى كلاستەرىندە تولىق وندىرىستىك سيكلمەن ەت وڭدەيتىن زاۋىت اشىلدى. قۋاتى 3,5 مىڭ توننا بولاتىن كاسىپورىندا 100 ءتۇرلى شۇجىق ونىمدەرى شىعارىلادى. 250 جۇمىس ورنى اشىلدى. جۇمىس ساپارى بارىسىندا قالا اكىمى سونداي- اق «كەلەت» ا ق سۋمەن جابدىقتاۋ، جىلىتۋ جانە جەلدەتۋ، سونىڭ ىشىندە گاز قازاندارى مەن سۋ سورعىلارىن وندىرەتىن زاۋىتقا باردى. جۇمىس ورىندارىنىڭ سانى — 230، كارانتين كەزىندە 190 ادام جۇمىس ىستەپ جاتىر.

اۆتور: گۇلميرا عوسمانالي