گولوۆكين مانسابىن قاشان اياقتايدى

نۇر-سۇلتان. قازاقپارات - ساۋل «كانەلو» الۆارەستىڭ (53-1-2، 36 ك و) باپكەرى ەدي رەينوسو 38 جاستاعى گولوۆكيننىڭ (40-1-1، 35 ك و) رينگتە ءالى قانشا ۋاقىت جۇدىرىقتاساتىنى تۋرالى بولجام جاسادى، دەپ حابارلايدى قازاقپارات Sports.kz سايتىنا سىلتەمە جاساپ.

- گولوۆكين ءالى نوكاۋتقا تۇسكەن جوق، ول مىقتى جانە تارتىپكە باعىناتىن بوكسشى. مەنىڭ ويىمشا، ول شامامەن ەكى جىل ۋاقىت جاقسى دەڭگەيدە ونەر كورسەتەدى، - دەدى رەينوسو.

ەسكە سالا كەتەيىك، گولوۆكين «كانەلامەن» ەكى رەت جۇدىرىقتاسقان بولاتىن. 2017 -جىلى العاشقى ايقاستا تەڭ ويىن بولعان ەدى.

ال ءبىر جىل وتكەن سوڭ بولعان جەكپە-جەكتە تورەشىلەردىڭ شەشىمىمەن جەڭىس مەكيكالىق بوكسشىعا بەرىلگەن بولاتىن. الۆارەس پەن ونىڭ كومانداسى گەنناديمەن رينگتە جىل سوڭىندا كەزدەسەتىنىنە ۇمىتتەنەدى. الايدا بۇعان دەيىن قازاقستاندىق بوكسشىنىڭ ءوزى مالىمدەگەندەي، ول IBF تۇجىرىمى بويىنشا ورتا سالماقتا الەم چەمپيونىنا ۇمىتكەر، پولياك بوكسشىسى كاميل شەرەمەتامەن (21-0، 5 ك و) جۇدىرىقتاسۋدى جوسپارلاعان.