تارازدا ۇشەم دۇنيەگە كەلدى

تاراز. قازاقپارات - جامبىل وبلىسى تاراز قالاسىندا ۇشەم ومىرگە كەلدى، دەپ حابارلايدى قازاقپارات ءتىلشىسى.

جامبىل وبلىستىق كوپبەيىندى اۋرۋحاناسىندا تاراز قالاسىنىڭ تۇرعىنى 33 جاستاعى رايحان شاحاربايەۆا دۇنيەگە ۇشەم اكەلدى.

بۇل ونىڭ ەكىنشى جۇكتىلىگى ەكەن. ءومىر ەسىگىن اشقان ءبىر ۇل جانە ەكى قىز جۇكتىلىكتىڭ 33- اپتاسىندا كەسىر تىلىگى ارقىلى تۋعان.

العاش تۋعاندا ولاردىڭ سالماقتارى 2235، 1679، 1619 گرام بولعان. بۇگىنگى كۇنى ۇيىنە شىعارىلعان ۇشەمنىڭ جاعدايلارى جاقسى. كۇن ساناپ سالماق قوسۋدا. بۇل تۋرالى اناسى ايتىپ بەردى.

«اللاعا شۇكىر، بالالارىمنىڭ جاعدايى جاقسى. بۇل ءبىز ءۇشىن ۇلكەن قۋانىش بولدى. جولداسىم ەكەۋمىز ءماز-مەيرامبىز. دارىگەرلەر ويداعىداي قاراپ، سابيلەرىمنىڭ جاعدايىن ءجىتى باقىلاۋدا ۇستاپ وتىر»، - دەيدى ر. شاحاربايەۆا.

ايتا كەتەيىك، ۇشەمنىڭ اكەسى تاراز مەتاللۋرگيالىق زاۋىتىندا جۇمىسشى، ال اناسى ءۇي شارۋاسىندا.