جوشى حاننىڭ كەسەنەسى سارىارقادا تۇرعانىن كوپشىلىك بىلە بەرمەيدى - دارحان قىدىرالى

None
None
نۇر- سۇلتان. قازاقپارات - جوشى حاننىڭ كەسەنەسى سارىارقادا تۇرعانىن كوپشىلىك بىلە بەرمەيتىنىن مەملەكەت باسشىسى قاسىم- جومارت توقايەۆ تا ايتىپ كەتتى. بۇل تۋرالى ۇلتتىق اكادەميالىق كىتاپحانادا وتكەن «ۇلىق ۇلىس - ۇلى دالا تاريحى» حالىقارالىق ونلاين كونفەرەنتسياسىندا ايتىلدى، دەپ حابارلايدى قازاقپارات ءتىلشىسى.

«حالىقارالىق تۇركى اكادەمياسى بۇل جۇمىستارعا 2015 -جىلدان، ياعني قازاق حاندىعىنىڭ 550 جىلدىعىن اتاپ وتكەننەن كەيىن كىرىسىپ كەتكەن. اتاپ ايتقاندا، 2016 -جىلى كەنتاي ايماعىنا حالىقارالىق ەكسپەديتسيا جۇرگىزدىك. 2017 -جىلى «كەنتايدان ۇلىتاۋعا» دەگەن حالىقارالىق ەكسپەديتسيا بولدى. 2018 -جىلى ءبىرشاما كىتاپ شىعارىپ، جيىندار وتكىزدىك. 2019 -جىلى پاريجدە ۇلكەن حالىقارالىق كونفەرەنتسيا وتكىزدىك. نۇر- سۇلتان، تاراز، بىشكەكتە ۇلكەن جيىندار بولىپ، جيىرماعا تارتا كىتاپ شىعارىلدى. اتاپ ايتساق، سونىڭ ىشىندە راشيد اد- ءديننىڭ «جاميع ات- تاراۋيح» 5 تومدىق كىتابىنان باستاپ قۇجاتتار جيناعى بار. ەڭ سوڭعى جارىق كورگەن كىتاپ - بەركە حان تۋرالى مونوگرافيا»، - دەيدى حالىقارالىق تۇركى اكادەمياسىنىڭ پرەزيدەنتى دارحان قىدىرالى.

ول ۇلىستىڭ تاريحىنا قاتىستى بىرنەشە ماسەلەنىڭ باسىن قوزعادى.

«كونفەرەنتسيا وتپەس بۇرىن ۇلىستىڭ تاريحىنا قاتىستى بىرنەشە فيلم قاراپ شىقتىم. بۇل وبەكتيۆتى پىكىر دەپ ايتا المايمىز، ءبىراق وسىعان بايلانىستى بىرنەشە ماسەلەنى ايتىپ وتكىم كەلەدى. ءبىرىنشى، ۇلىستىڭ اتالۋى «التىن وردا» دەپ قالىپتاسقان. «وردا» دەگەن ءسوزدىڭ ءوزى بەلگىلى ءبىر تىلدە جاعىمسىز كەيىپتە قولدانىلعانى بەلگىلى. سوندىقتان بۇل «التىن وردا» كەيىن پايدا بولعان اتاۋ ەكەنىن بىلەمىز. 750 -جىلدىق اياسىندا «ۇلى ۇلىس» دەگەن اتاۋ ەكىنشى ورىن الۋى كەرەك دەپ ويلايمىن. ونىڭ قۇرىلۋىن كوبىنە شىڭعىس حان، جوشىمەن، باتۋمەن بايلانىستىرامىز، ءبىراق ول تالاس قۇرىلتايىنان باستالعان. 1269 -جىلى تالاس قۇرىلتايى قايدا وتكەنىنە بايلانىستى داۋ- داماي دا كوپ، اركىم ءارتۇرلى پىكىر ايتادى. ارحەولوگتاردىڭ پىكىرلەرى بار، ءبىز دە بەلگىلى ءبىر قورىتىندى جاساپ وتىرمىز، ول تۋرالى مالىمدەيتىن بولامىز. تالاس قۇرىلتايى تۋرالى كىتاپتار جوققا ءتان. ۇلىستىڭ اتاسى جوشى حاننىڭ دۇنيەگە كەلۋى دە، دۇنيەدەن ءوتۋى دە - جۇمباق. وعان بايلانىستى كوزى ءتىرى كەزدىڭ وزىندە الىپقاشپا اڭگىمەلەر بولعانى انىق. جوشى حانعا بايلانىستى كەڭەستىك كەزەڭدە ارحەولوگيالىق قازبا جۇمىستارى باستالعانىمەن، توقتاپ قالعان. بۇل انتروپولوگيالىق جۇمىستارمەن استاسۋى كەرەك. جالپى ونىڭ كەسەنەسى بۇكىل شىڭعىس حان جانە ونىڭ اۋلەتىنە قاتىستى جەر بەتىندەگى جالعىز ەسكەرتكىش ەكەنىن ايتا كەتكەن ءجون. جوشى حاننىڭ كەسەنەسى سارىارقادا تۇرعانىن كوپشىلىك بىلە بەرمەيتىنىن مەملەكەت باسشىسى قاسىم- جومارت توقايەۆ تا ايتىپ كەتتى. ۇلى ۇلىستىڭ 750 -جىلدىعى اياسىندا اتقارىلاتىن جۇمىستار كوپ دەپ ويلايمىز. بۇل رۋحاني، مادەني تۇرعىدا ادامزات تاريحىندا قانداي ءىز قالدىرعانى تۋرالى دا ءالى جازىلادى. ۇلى ۇلىستىڭ تاريحىن ونىڭ قۇرامىندا بولعان قازىرگى مەملەكەتتەر كۇش بىرىكتىرگەندە عانا ءبىز جۇيەلى جۇمىستارعا قول جەتكىزە الامىز» ، - دەيدى ول.

ايتا كەتەيىك، ق ر مادەنيەت جانە سپورت مينيسترلىگى قولداۋىمەن ق ر ب ع م مەملەكەت تاريحي ينستيتۋتىمەن بىرلەسىپ وتكىزگەن حالىقارالىق ونلاين- كونفەرەنتسيانىڭ ماقساتى - التىن وردا ءداۋىرىنىڭ ەۋرازيا مەملەكەتتەرىنىڭ تاريحىنداعى ءرولى مەن ونىڭ اۋقىمدى جانە كەشەندى زەرتتەلۋى، ارحەولوگيا، تاريحي ەكونوميكا، تاريحي گەوگرافيا، نۋميزماتيكا جانە باسقا دا گۋمانيتارلىق عىلىمداردىڭ، سونداي- اق، دەرەكتانۋ مەن ەپيگرافيالىق زەرتتەۋلەردى ىنتالاندىرۋ.

سوڭعى جاڭالىقتار