قازاقستان دارىگەرلەرى تاجىريبە الماسۋ ءۇشىن قىتايعا بارادى
«دەنساۋلىق ساقتاۋ ءمينيسترىنىڭ ق ح ر ەلشىسىمەن سوڭعى كەزدەسۋى بارىسىندا قىتاي دەنساۋلىق ساقتاۋ ءمينيسترىنىڭ ۇسىنىسىمەن قازاقستان ماماندارىن سول ەلدە تاجىريبە الماسۋعا جىبەرۋ ماسەلەسى كوتەرىلدى. وسى باعىتتا باعدارلاما مەن باراتىن ماماندار تىزبەسىن جاساپ جاتىرمىز»، - دەدى سەرجان ايدوسوۆ «دەنساۋلىق ساقتاۋ مينيسترلىگى حابارلايدى» باعدارلاماسى بارىسىندا.
ونىڭ اتاپ وتىنشە، قىتايعا تاجىريبە الماسۋعا باراتىن مەديتسينا ماماندارىنا جۇمسالاتىن شىعىندى ەلىمىزدىڭ دەنساۋلىق ساقتاۋ مينيسترلىگى جانە جەرگىلىكتى مەكەمەلەر تولەيدى.
«بۇعان قوسا، ەلىمىزدىڭ سىرتقى ىستەر مينيسترلىگىنىڭ دە ۇلكەن كومەگى بولادى. ولار بىزگە قولداۋ كورسەتىپ وتىر. جالپى، ماماندارىمىزدىڭ قاشان باراتىنى تۋرالى ناقتى جوسپار جوق. ءبىراق، 2-3 اپتانىڭ ىشىندە انىقتالادى. ولار بەيجىڭ قالاسىنا بارادى دەپ جوسپارلانعان»، - دەدى ول.