ەلوردادا ەسىل اۋدانىنىڭ اكىمى ەسكەرتۋ الدى

None
None
نۇر-سۇلتان. قازاقپارات - نۇر-سۇلتان قالاسى ەسىل اۋدانىنىڭ اكىمى بەرىك جاكەنوۆكە ەسكەرتۋ جاسالدى.

بۇل تۋرالى ەلوردا اكىمدىگىنىڭ Instagram-داعى رەسمي پاراقشاسىندا ءمالىم ەتىلدى، دەپ حابارلايدى قازاقپارات.

«ساياباقتىڭ جاي-كۇيى مەن جۇمىس قارقىنىنىڭ تومەن بولۋىنا وراي ەسىل اۋدانىنىڭ اكىمى بەرىك جاكەنوۆ پەن مەردىگەر ەسكەرتۋ الدى. بارلىق كەمشىلىكتەردى تۇزەتۋگە ۋاقىت بەرىلدى. ءابۋ-دابي پلازا ماڭىندا ورنالاسقان ساياباق ەكى جىل بۇرىن اشىلۋى ءتيىس بولاتىن»، - دەلىنگەن اقپاراتتا.

ءمالىم بولعانداي، اتالمىش ساياباق بيىل اشىلادى دەپ جوسپارلانعان. ونىڭ اۋماعى 11 گەكتاردان اسادى. 3,5 مىڭعا جۋىق اعاش وتىرعىزىلعان. بالالارعا ارنالعان ويىن الاڭى، سكەيت-الاڭى جانە تاعى باسقالارى بار.

بيىل نۇر-سۇلتان قالاسىندا بارلىعى 50 گە جۋىق قوعامدىق ورىن اباتتاندىرىلادى. ولاردىڭ قاتارىندا ساياباقتار، تىنىمباقتار جانە تازا اۋادا سەرۋەندەۋگە ارنالعان باسقا دا ورىندار بار.

باسىم بولىگى «جۇمىسپەن قامتۋدىڭ جول كارتاسى» باعدارلاماسى اياسىندا جاسالادى. شەتكەرى ايماقتاردى دامىتۋ اياسىندا «كوكتال» ەلدى مەكەنىندە ساياباق قۇرىلىسى جالعاسىپ جاتىر.

ساياباق اۋماعى تىنىش دەمالىس ايماعى، بەلسەندى دەمالىس ايماعى جانە بالالار دەمالىس ايماعى بولىپ 3 كە بولىنەدى. ساياباق اۋماعىندا 8 مىڭ اعاش وتىرعىزۋ جوسپارلانىپ وتىر. سونىمەن بىرگە 4 ءىرى دەنە شىنىقتىرۋ-ساۋىقتىرۋ كەشەنى سالىنادى. ەكەۋىندە قۇرىلىس جۇمىستارى باستالدى.

سوڭعى جاڭالىقتار