كەلەر ايدان باستاپ شاعىن جانە ميكرو كاسىپكەرلىكپەن اينالىساتىندارعا نەسيە بەرۋ باستالادى

نۇر-سۇلتان. قازاقپارات - كەلەر ايدان باستاپ ەلدەگى شاعىن جانە ميكرو كاسىپكەرلىكپەن اينالىساتىندارعا نەسيە بەرۋ باستالادى، دەپ حابارلايدى «حابار 24».

پرەزيدەنتتىڭ كاسىپكەرلەردى قولداۋ تۋرالى تاپسىرماسىن ورىنداۋعا ۇلتتىق ەكونوميكا مينيسترلىگى كىرىستى. جەڭىلدەتىلگەن قارىزدى شتات سانى 15 ادامنان اسپايتىن ميكرو كاسىپورىندار جانە قىزمەتكەرى 100 ادامنان اسپايتىن شاعىن كاسىپورىندار الا الادى. قارىز سوماسى 5 ميلليون مەن 20 ميلليون تەڭگە ارالىعىندا. ال ۇستەمە پروتسەنتى قانشا بولاتىنى ءالى تالقىلانىپ جاتىر.

شىڭعىس احمەتوۆ، ق ر ۇ ە م كاسىپكەرلىكتى دامىتۋ دەپارتامەنتىنىڭ ديرەكتورى:

- وتىرعان جۇمىسكەرلەرىنىڭ جالاقىلارى بار نەمەسە ساۋدا سفەراسىندا جۇمىس ىستەيىن سۋبەكتىلەر ءۇشىن مىسالى، تاۋار ساتىپ الۋ ءۇشىن دە قاراجات كەرەك. وسىنىڭ ءبارىن ءبىز اينالىم قاراجات دەيمىز. ەندى وسى باعدارلاما ارنايى قاراجات بويىنشا شاعىن جانە ميكرو سۋبەكتىلەرىنە وسىنداي قاراجاتتى بانكتەردەن الۋعا مۇمكىندىك بەرەدى.