قورعالجىن قورىعىندا بالىق اۋلاعان براكونەرلەر ۇستالدى

كوكشەتاۋ. قازاقپارات - اقمولا وبلىسىنداعى قورعالجىن قورىعىندا زاڭسىز بالىق اۋلاعاندار ۇستالدى، دەپ حابارلايدى قازاقپارات ءتىلشىسى وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىنشە، 6- مامىر كۇنى قورعالجىن اۋداندىق تابيعاتتى قورعاۋ پوليتسياسى ءبولىمىنىڭ قىزمەتكەرلەرى مەن مەملەكەتتىك تابيعي قورىقتىڭ جۇمىسشىلارى قورىق اۋماعىندا براكونەرلەردىڭ زاڭسىز بالىق اۋلاپ جۇرگەنىن انىقتادى.

كۇدىكتىلەر 39 جانە 51 جاستاعى جەرگىلىكتى تۇرعىندار، مونو اۋ ارقىلى بالىق اۋلاعان. ولاردان اۋلانعان سۋ جانۋارلارى، قايىق، اۋ تاركىلەنىپ، كەلتىرىلگەن شىعىن كولەمى انىقتالۋدا.

«كۇدىكتىلەرگە قاتىستى ق ر ق ك- ءنىڭ 335-بابى 3-بولىگى بويىنشا («بالىق رەسۋرستارىن، باسقا دا سۋ جانۋارلارىن نەمەسە وسىمدىكتەرىن زاڭسىز الۋ») سوتقا دەيىنگى تەرگەۋ امالدارى جۇرگىزىلۋدە»، - دەدى دەپارتامەنتتەن.