ىندەت جۇقتىرۋ قاۋپى بار، سوندىقتان جاڭا ەرەجەلەرمەن ءومىر ءسۇرىپ ۇيرەنۋىمىز كەرەك - ەلوردا اكىمى
شاھار باسشىسىنىڭ ايتۋىنشا، مەملەكەت ۋاقتىلى قابىلداعان قاتاڭ شەكتەۋ شارالارىنىڭ ارقاسىندا قازىر جاعدايدى باقىلاۋ مۇمكىن بولىپ وتىر. الايدا ىندەتتى جۇقتىرۋ قاۋپى ءالى دە بار.
«ءبىز جاڭا ەرەجەلەرگە سايكەس ءومىر ءسۇرۋدى ۇيرەنۋىمىز كەرەك. بۇگىن ازىق-تۇلىك دۇكەندەرى مەن وزگە دە تاۋار ساتاتىن بازارلار، ساۋدا ۇيلەرى، قوناق ۇيلەر، مەيرامحانالار مەن ساۋدا ويىن-ساۋىق ورتالىقتارى وكىلدەرىمەن ونلاين-كەڭەس وتكىزدىم. ەلىمىزدىڭ باس سانيتار دارىگەرىنىڭ شەشىمىنە سايكەس، ازىق-تۇلىك ساتپايتىن بازارلاردىڭ جۇمىسى تۇرعىنداردىڭ COVID-19 ىندەتىنە شالدىعۋى 7 كۇن ىشىندە %7 دان اسپاعان جاعدايدا جانە سانيتارلىق-ەپيدەميولوگيالىق تالاپتار قاتاڭ ساقتالعان جاعدايدا عانا قايتا باستالادى»، - دەپ جازادى التاي كولگىنوۆ Instagram پاراقشاسىندا.
قوناق ءۇي، ساۋدا ويىن-ساۋىق ورتالىقتارى مەن مەيرامحانالاردىڭ جۇمىسىن قايتا باستاۋعا رۇقسات بەرۋ (قازىرگى ۋاقىتتا مەيرامحانالار ونلاين تاپسىرىسپەن جۇمىس جاساپ جاتىر) ەپيدەميولوگيالىق جاعدايعا بايلانىستى كەلەسى كەزەڭدە قارالادى.
«12- مامىردا قوعامدىق كولىك پەن حالىققا قىزمەت كورسەتۋ ورتالىقتارىنىڭ جۇمىسى قايتا باستالادى» دەيدى قالا اكىمى.