ب ۇ ۇ الەمدى اشتىق پەن كەدەيلىك كۇتىپ تۇرعانىن ەسكەرتتى

None
None
نۇر-سۇلتان. قازاقپارات – ب ۇ ۇ پاندەميامەن كۇرەسۋ ءۇشىن كەدەي ەلدەرگە كومەكتەسپەيتىن بولساق، وندا بۇكىل الەمدە قاقتىعىستار، اشتىق پەن كەدەيلىك بولاتىنىن ەسكەرتتى.

بۇل تۋرالى قازاقپارات ب ۇ ۇ جاڭالىقتارى سايتىنا سىلتەمە جاساپ حابارلايدى.

ب ۇ ۇ حالىقارالىق ۇيىمدارعا پاندەميامەن كۇرەسۋ ءۇشىن كەدەي ەلدەرگە 6,7 ميلليارد دوللار بولۋگە شاقىردى. كوپتەگەن كەدەي ەلدەردە پاندەميانىڭ شارىقتاۋ شەگى بىرنەشە ايدان كەيىن بولادى. الايدا بۇگىندە ميلليونداعان ادامدار جۇمىسىنان ايىرىلىپ، ءومىر سۇرۋگە قاراجاتسىز قالدى. اتالعان حالىقارالىق ۇيىم گۋمانيتارلىق كومەك كورسەتۋدىڭ جاڭارتىلعان جوسپارىن تانىستىردى. ول كەزدە كومەككە قاجەتتى سۋمما ەكى ميلليارد دوللار دوللار بولسا، بۇگىندە ول قاراجات جاعدايدىڭ كۇردەلەنۋىنە بايلانىستى 6,7 ميلليارد دوللارعا وسكەن.

«COVID-19 پاندەمياسى بۇل بارلىعىمىز ءۇشىن سىناق. الايدا الەمدەگى كەدەي ەلدەر وتە قيىن جاعدايلاردا قالىپ وتىر. قازىردىڭ وزىندە ولاردىڭ ميگرانتتتاردان كەلەتىن جانە تۋريزمنەن تۇسەتىن قاراجاتتارى قىسقاردى»، - دەدى ب ۇ ۇ باس حاتشىسىنىڭ گۋمانيتارلىق ماسەلەلەر بويىنشا ورىنباسارى مارك لوكوك ۆيرتۋالدى كونفەرەنسيادا. سونداي-اق، ول سوزىندە پاندەميانىڭ وسى سالدارىن جويۋمەن كۇرەسپەيتىن بولساق، ونىڭ زاردابىن كەدەي ەلدەر عانا ەمەس بۇكىل الەم تارتاتىندىعىن جەتكىزدى.

سوڭعى جاڭالىقتار