مەن ورالدىم: فيرۋزا ءشارىپوۆا قارسىلاسىن نوكاۋتقا جىبەرەتىنىن ايتتى

نۇر-سۇلتان. قازاقپارات - الەم چەمپيونى فيرۋزا ءشارىپوۆا جاڭا جەكپە-جەك الدىنداعى دايىندىقتى باستاپ كەتتى، دەپ حابارلايدى قازاقپارات.

بوكسشى بۇل تۋرالى Instagram پاراقشاسىندا جازدى. ءوزىنىڭ ايتۋىنشا، ول وليمپيادا ءفيناليسى سوفيا وچيگاۆامەن ايقاسقا شىعۋ ءۇشىن جان- جاقتى ازىرلەنىپ جاتىر.

«4-مامىردان باستاپ جاتتىعۋعا كىرىستىم. ارينە، كارانتينگە بايلانىستى دايىندىق مەن ويلاعان دەڭگەيدە ءوتىپ جاتقان جوق. ونىڭ ۇستىنە ءبىز ديەتولوگپەن جانە جالپى فيزيكالىق دايىندىق جونىندەگى باپكەرمەن جۇمىس ىستەپ جاتىرمىز. بوكس جاتتىعۋى كەيىنىرەك باستالادى. ال ازىرگە مەن ءۇي جاعدايىندا، باسپالداقتا، جابىق اۋلادا دەنە جاتتىعۋىن جاساپ، سەكىرمەكپەن سەكىرەمىن، كولەڭكەممەن « ايقاسىپ»، ءتوزىمدى سىنايتىن جاتتىعۋلاردى جاساپ ءجۇرمىن. بۇل جەكپە-جەككە بارىمدى سالىپ، كادىمگىدەي ىنتى-شىنتىممەن دايىندالىپ جاتىرمىن، سوندىقتان كۇتىڭىزدەر... مەن ورالدىم جانە 4-شىلدەدە سوفيا وچيگاۆانى نوكاۋتقا جىبەرەمىن»، - دەپ جازدى فيرۋزا ءشارىپوۆا پاراقشاسىندا.

ايتا كەتەيىك، بوكسشى ءوزىنىڭ سپورتتاعى جولىن وسى سوفيا وچيگاۆامەن ايقاستان باستاعان، ءبىراق وكىنىشكە قاراي، جەڭىلىپ قالعان ەدى.

ەسكە سالا كەتەيىك، 4-شىلدەدە رەسەيدىڭ قازان قالاسىندا وچيگاۆا - ءشارىپوۆا رەۆانشى وتەدى

اۆتور: جانات قاپالبايەۆا