+7 (701) 759 90 19
0 °С : نۇر-سۇلتان
8 °С : الماتى
USD 429.75 EUR 507.45
RUB 5.61 CNY 63.93
جاڭالىقتار

حالىققا قىزمەت كورسەتۋ ورتالىقتارى ءبىرقاتار شەكتەۋمەن جۇمىسىن باستادى

4 مامىر 13:16
:ءبولىسۋ
حالىققا قىزمەت كورسەتۋ ورتالىقتارى ءبىرقاتار شەكتەۋمەن جۇمىسىن باستادى

نۇر-سۇلتان. قازاقپارات - بۇگىن ەلوردادا جانە ءبىرقاتار وڭىردە حالىققا قىزمەت كورسەتۋ ورتالىقتارى جۇمىسىن قايتا باستادى، دەپ حابارلايدى قازاقپارات «ازاماتتارعا ارنالعان ۇكىمەت» مەملەكەتتىك كورپوراتسياسىنا سىلتەمە جاساپ.

اتاپ ايتقاندا، ەلوردادا ماڭگىلىك ەل، 30-مەكەنجايىندا اشىلعان جالعىز عانا ح ق و شاعىن جانە ورتا بيزنەس سۋبەكتىلەرىنە عانا قىزمەت كورسەتەتىن بولادى. ونىمەن قوسا، كاسىپكەرلەر اكىمدىكتىڭ الدىن الا ۇسىنعان ءتىزىمى بويىنشا قابىلدانادى.

ولار بيزنەستى جۇرگىزۋمەن بايلانىستى قىزمەتتەردى، سونىڭ ىشىندە جىلجىمايتىن/جىلجىمالى مۇلىكتى كەپىلگە قويۋ شارتىن جانە ونىڭ قوسىمشاسىن تىركەۋ قىزمەتتەرىن الا الادى. سونداي-اق استانادا جۇمىسىن باستاعان ءبىر مامانداندىرىلعان ح ق و تەك اۆتوكولىك سالوندارىنا قىزمەت كورسەتەدى.

مەملەكەتتىك قىزمەتتەردى ساپالى جانە ۋاقىتىلى ۇسىنۋ ءۇشىن «ازاماتتارعا ارنالعان ۇكىمەت» كاسىپكەرلەرگە قۇجاتتاردىڭ تولىق پاكەتىن الدىن الا ازىرلەپ، ۇسىنۋدى سۇرايدى. ح ق و- لاردىڭ جۇمىس كەستەسى - 09:00 دەن 17:00 گە دەيىن. 4-مامىردان ح ق و-لار اقمولا، اقتوبە، اتىراۋ، سولتۇستىك قازاقستان جانە تۇركىستان وبلىستارىندا اشىلدى. ولار دا تەك شاعىن جانە ورتا بيزنەسكە قىزمەت كورسەتەتى. ال ورال، قاراعاندى جانە اقتاۋ قالالارىندا جەكە تۇلعالار ءۇشىن حالىققا قىزمەت كورسەتۋ ورتالىقتارى جۇمىسىن جانداندىردى.

«ءبىراق كوروناۆيرۋس پاندەمياسىنا بايلانىستى، وندا تەك ونلاين تۇردە قولجەتىمسىز قىزمەتتەر بويىنشا قىزمەت الۋعا بولادى. بۇل رەتتە ەلەكتروندى ۇكىمەت پورتالى نەمەسە 1414 ءبىرىڭعاي بايلانىس ورتالىعى ارقىلى كەزەك ۋاقىتى الدىن الا بروندالۋى ءتيىس. دەگەنمەن، زەينەتكەرلەر، كوپبالالى وتباسىلار جانە مۇمكىندىگى شەكتەۋلى جاندار ەلەكتروندىق قىزمەتتەردى ح ق و- دان الا الادى. فرونت- وفيستە ولار ءۇشىن جەڭىلدىك تەرەزەسى جۇمىس ىستەيدى. سونداي- اق ولار دا ح ق و- عا باراتىن ۋاقىتىن الدىن الا برونداۋى كەرەك»، - دەلىنگەن اقپاراتتا.

ح ق و- دا كەزەكتى مىنا سايتتا نەمەسە 1414 ءنومىرى ارقىلى برونداۋعا بولادى. 4-مامىردا جۇمىسىن قايتا باستايتىن كاسىپكەرلەرگە قىزمەت كورسەتەتىن ح ق و- لار مەن جەكە تۇلعالارعا ارنالعان ح ق و- لار ءتىزىمى مىنا سايتتا.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات