سەمەيدە ابايدىڭ ۇلدارىمەن تۇرعان ەسكەرتكىشى قويىلادى
بۇگىندە اباي اتىنداعى الاڭدا اۋقىمدى جوندەۋ جۇمىستارى باستالىپ كەتكەن. الاڭنىڭ بەينەسى تولىقتاي وزگەرمەك. جوبا بويىنشا جيەكتاستاردى جاڭارتۋ، اقىن قۇرمەتىنە وراي قويىلعان ەسكەرتكىشتى جارىقتاندىرۋ قاراستىرىلعان. سپورت جانە بالالار الاڭدارى، اۆتوكولىكتەرگە ارنالعان تۇراق، سۋبۇرقاق سالىنادى. مەردىگەر «فيرما ازيا» ج ش س بارلىق جۇمىستار شىلدە ايىنا دەيىن اياقتالاتىنىن ۋادە ەتتى.
دانيال احمەتوۆ اباي تەاترىنداعى جوندەۋ جۇمىستارىنىڭ بارىسىمەن دە تانىستى. وعان تەاتر مەن كورەرمەن زالىنىڭ سىرتقى بەزەندىرىلۋىنە ارنالعان جوبالار كورسەتىلدى. مەرەيتوي اياسىندا اباي مۋزەيىن رەكونسترۋكتسيالاۋ جۇمىستارى دا جۇرگىزىلمەك. سونداي- اق اقىننىڭ ۇلدارىمەن تۇرعان ەسكەرتكىشى ورناتىلادى.
«العاش رەت ابايدى ۇلدارىنىڭ ورتاسىندا كورسەتكىمىز كەلەدى. ولار وزدەرىنىڭ ۇلى اكەلەرىنە سۇيىسپەنشىلىكپەن جانە ريزاشىلىقپەن قاراپ تۇرماق. مۇنداي ەسكەرتكىش ەش جەردە جوق. ءبىز ءارقاشان دا ابايعا اقىن، ويشىل رەتىندە قارايمىز. ال بۇل جەردە حاكىمدى قامقور اكە رەتىندە كورسەتەمىز» ، - دەدى دانيال احمەتوۆ.
ش ق و اكىمى ويشىلدىڭ مەرەيتويىنا ارنالعان شارالاردى لايىقتى دەڭگەيدە وتكىزۋ كەرەكتىگىن ايتىپ، جۇمىسقا جاۋاپكەرشىلىكپەن قاراۋدى تاپسىردى.
