الماتى وبلىسىندا ۆولونتەرلەر سانى ەكى ەسەگە ارتتى
ولار كومەككە مۇقتاج جاندارعا جاردەم كورسەتۋمەن اينالىسىپ، دەزينفەكتسيالىق جۇمىستارعا اتسالىسۋدا، سول سياقتى قاۋىرت جەلى بايلانىس تەلەفونىندا جۇمىس ىستەيدى.
وسىنداي جۇمىستاردى بەلسەنە اتقارىپ جۇرگەن «جەتىسۋ ەرىكتىلەرى» ۇيىمىنىڭ مۇشەسى، وبلىستىق «مەيىرىمدى جەتىسۋ» فرونت-كەڭسەسىنىڭ ۇيلەستىرۋشىسى جانسايا سماعۇلوۆاعا وبلىس اكىمى اماندىق باتالوۆ پرەزيدەنتتىڭ العىس حاتىن تاپسىردى.
جالپى، بۇگىنگى كۇنى وبلىستا 2033 ۆولونتەر جاس تىركەلگەن. ءوڭىر ەرىكتىلەرىنىڭ اتسالىسۋىمەن 50 مىڭ مەديتسينالىق ماسكا تىگىلىپ، تاراتىلدى. الەۋمەتتىك جاعدايى تومەن، از قامتىلعان جانە كوپ بالالى وتباسىلار مەن جالعىزباستى انالارعا، جالپى 10 مىڭ وتباسىنا الەۋمەتتىك كومەك كورسەتىلىپ، ازىق-تۇلىكپەن قامتاماسىز ەتىلدى.
سول سياقتى ۆولونتەرلار جالعىزباستى قاريالاردىڭ ۇيلەرىنە تازالىق جۇمىستارىن جۇرگىزەدى.