الماتى وبلىسىندا كارانتين ەرەجەسىن بۇزباق بولعان ءبىر توپ ادام قولعا ءتۇستى

None
None
تالدىقورعان. قازاقپارات - الماتى وبلىسى پوليتسيا دەپارتامەنتى وزىندىك قاۋىپسىزدىك باسقارماسىنىڭ جەدەل ۋاكىلدەرى ءبىر توپ تۇلعانىڭ كارانتين ايماعىنىڭ شەكاراسىن زاڭسىز كەسىپ وتۋگە وقتالعانىن اشكەرەلەدى، - دەپ حابارلايدى قازاقپارات ءتىلشىسى.

«قاراساي اۋدانىنداعى كوكوزەك اۋىلى ماڭىندا كارانتين كەزىندە جولاۋشىلاردى زاڭسىز تاسىمالداۋ دەرەگىن تەكسەرۋ بارىسىندا ءتارتىپ ساقشىلارىنىڭ نازارىنا 5 ادامنان قۇرالعان توپتىڭ ارەكەتى كۇدىك تۋدىرعان. ولار الماتى قالاسىنىڭ اۋماعىنان الماتى وبلىسىنا بلوكپوستتاردى اينالىپ، جاسىرىن وتۋگە تىرىسقان. سونىمەن قاتار، پوليتسەيلەر زاڭسىز وتۋشىلەردى الدىن الا كەلىسىم بويىنشا بەلگىلەنگەن جەردە كۇتىپ تۇرعان تاكسي جۇرگىزۋشىسىن دە ۇستاعان»، - دەدى الماتى وبلىسى پ د وزىندىك قاۋىپسىزدىك باسقارماسىنىڭ باستىعى پوليتسيا پولكوۆنيگى اسەت كارمەنوۆ.

ۇستالعان بەس ازامات پەن كامەلەتكە تولماعان جاس ءوسپىرىمنىڭ اناسىنا توتەنشە جاعداي ءتارتىبىن بۇزۋ دەرەگى بويىنشا ق ر ا ق ب ك 476-بابىنا سايكەس اكىمشىلىك حاتتاما تولتىرىلدى. تولتىرىلعان حاتتاما سوتقا جىبەرىلىپ، قۇقىق بۇزۋشىلار اكىمشىلىك جاۋاپقا تارتىلاتىن بولادى.

ايتا كەتەيىك، وبلىستىق پوليتسيانىڭ وزىندىك قاۋىپسىزدىك باسقارماسىنىڭ قىزمەتكەرلەرى الماتى وبلىسى اۋماعىنداعى شەكتەۋ جانە بلوكپوستتاردا تۇرعىنداردىڭ زاڭسىز ارەكەتتەرىن بولدىرماۋ جانە ونىڭ الدىن الۋ شارالارىن بەلسەندى جۇرگىزۋدە.

سوڭعى جاڭالىقتار