توتەنشە جاعداي كەزىندە ءتارتىپ ساقشىلارىنا قارسىلىق كورسەتكەن ازامات ۇستالدى

كەنتاۋ. قازاقپارات - تۇركىستان وبلىسى، كەنتاۋ قالاسىنىڭ پوليتسيا قىزمەتكەرلەرى توتەنشە جاعداي رەجيمى كەزىندە بەتپەردەسىز جۇرگەن ەر ادامدى توقتاتقان.

ءتارتىپ ساقشىلارى پوليتسيا بولىمىنە ءجۇرۋدى وتىنگەن كەزدە، ول پوليتسيا قىزمەتكەرلەرىنە دەنە جاراقاتىن سالعان، دەپ حابارلايدى قازاقپارات ءتىلشىسى.

وبلىستىق پ د باسپا ءسوز قىزمەتىنىڭ مالىمەتىنشە، ءتارتىپ بۇزۋشى بيلىك وكىلدەرىنىڭ زاڭدى تالاپتارىنا باعىنباعان. ءتىپتى كۇش قولدانىپ، قارسىلىق تانىتقان. بۇل كورىنىس «ۆاتساپ» مەسسەندجەرى ارقىلى تاراپ كەتكەن.

وقيعا ورنىنا جەتكەن كەنتاۋ قالالىق پوليتسيا ءبولىمىنىڭ جەدەل-تەرگەۋ توبى كۇدىكتىنى قولعا ءتۇسىردى.

تۇلعاسىن انىقتاۋ بارىسىندا ۇستالعان ازاماتتىڭ بۇرىن ەسىرتكى ۇرلاعانى جانە ساقتاعانى ءۇشىن سوتتالعانى بەلگىلى بولعان.

«اتالعان جايت س د ت ت ب ت- نە ق ر ق ك- ءنىڭ 380-بابىنىڭ 1-بولىگىمەن «بيلىك وكىلىنە قاتىستى كۇش قولدانۋ» بويىنشا تىركەلدى. قازىرگى تاڭدا وسى باپ بويىنشا سوتقا دەيىنگى تەرگەۋ امالدارى جۇرگىزىلۋدە. كەنتاۋ قالالىق سوتىنىڭ شەشىمىمەن كۇدىكتىگە قاتىستى ۇيدە قاماۋدا ۇستاۋ تۇرىندەگى بۇلتارتپاۋ شاراسى قولدانىلدى»، دەلىنگەن حابارلامادا.