قازاقستاندىق ستۋدەنتتەر رەسەيدەن اۆتوبۋسپەن ەلگە ورالۋدا
بۇل تۋرالى قازاقستان ەلشىلىگىنەن ءمالىم ەتتى، دەپ حابارلايدى قازاقپارات.
21- ءساۋىر كۇنى تاڭەرتەڭ ماسكەۋدەگى ق ر ەلشىلىگى عيماراتىنىڭ الدىنان بەس اۆتوبۋس جولعا شىقتى. كوروناۆيرۋس پاندەمياسىنا بايلانىستى حالىقارالىق رەيستەرگە شەكتەۋ ەنگىزىلمەي تۇرىپ رەسەيدەن شىعىپ ۇلگەرمەگەن 250 دەن استام قازاقستاندىق ستۋدەنت ەلگە ورالادى.
«اۆتوبۋسقا وتىرعىزىلماس بۇرىن بارلىعىنىڭ دەنە قىزۋى ولشەندى. جول قوزعالىسى قاۋىپسىزدىگى مەملەكەتتىك ينسپەكتسياسىنىڭ جانە ر ف- داعى قازاقستان ەلشىلىگىنىڭ قىزمەتكەرلەرىنىڭ ىلەسۋىمەن، بارلىق سانيتارلىق تالاپتار ساقتالا وتىرىپ، اۆتوبۋستار قازاق-رەسەي شەكاراسىنا قاراي بەت الدى. ودان وتكەننەن كەيىن ورسك جانە الىمبەت وتكىزۋ بەكەتتەرىندە جاستاردى اقتوبە وبلىسى اكىمدىگىنىڭ وكىلدەرى كۇتىپ الادى. بارلىعىنان كوروناۆيرۋسقا تەست الىناتىن بولادى»، - دەلىنگەن مالىمەتتە.