قازاقستاندىقتار كوروناۆيرۋستى قىستا جۇقتىرعان بولۋى مۇمكىن بە؟

نۇر-سۇلتان. قازاقپارات - وتاندىق ساراپشىلار وسىعان دەيىن قازاقستاندىقتار كوروناۆيرۋس جۇقتىرعان بولۋى مۇمكىن بە دەگەن سۇراققا جاۋاپ بەردى.

قازاقستاندا 13-ساۋىردە حالىقتان جاپپاي كوروناۆيرۋسقا ساراپتاما الىنا باستادى. ساراپتاما تاپسىرعانداردىڭ ىشىندە دەنساۋلىق ساقتاۋ مينيسترلىگىنىڭ قىزمەتكەرلەرى، اسكەريلەر، پوليتسەيلەر، سوزىلمالى اۋرۋلارى بار، سونداي-اق، قىستا اۋىرىپ شىققاندار بولدى.

«اقپان-ناۋرىز ايلارى اراسىندا پنيەۆمونيامەن اۋىرعان قازاقستاندىقتار شاقىرىلدى. قوعامدا قازاقستاندىقتار كوروناۆيرۋستى وسى ۋاقىتا دەيىن-اق جۇقتىرعانى تۋرالى اڭگىمەلەر ايتىلدى. سول ۆيرۋستى كەزىندە جۇقتىرعانداردىڭ اعزاسىندا انتيدەنەلەر قالىپ قويدى دەپ ايتتى. ءبىراق سكرينينگ ناتيجەسى بىزدە انتيدەنە جوق ەكەنىن كورسەتتى. 17 مىڭنان اسا ادام تەكسەرىلدى، ولاردىڭ 300 ندە عانا انتيدەنە انىقتالدى. ولاردىڭ كوبى مەديتسينالىق قىزمەتكەرلەر. سەبەبى ولار ناۋقاستارمەن جۇمىس ىستەيدى. سوندىقتان دا قازاقستاندىقتار وسىدان ەكى- ءۇش اي بۇرىن كوروناۆيرۋس جۇقتىردى دەپ ايتۋعا بولمايدى»، - دەدى.

بۇل تۋرالى Tengrinews.kz حابارلايدى.