توتەنشە جاعداي كەزىندە پوليتسياعا جۇدىرىق الا جۇگىرگەن قوسشى تۇرعىنى قاماۋعا الىندى

كوكشەتاۋ. قازاقپارات - توتەنشە جاعداي كەزىندە پوليتسياعا قارسىلىق تانىتقان قوسشى اۋىلىنىڭ تۇرعىنى ۋاقىتشا ۇستاۋ وقشاۋلاعىشىنا قامالدى، دەپ حابارلايدى قازاقپارات ءتىلشىسى اقمولا وبلىستىق پوليتسيا دەپارتامەنتىنە سىلتەمە جاساپ.

ۆەدومستۆونىڭ مالىمەتىنشە، ەر ادام ءتارتىپ ساقشىسىنىڭ تالابىنا كونبەي قارسىلىق كورسەتكەن.

وقيعا «لەسنايا پوليانا» تۇرعىن ءۇي كەشەنىندەگى 26№ ءۇيدىڭ اۋلاسىندا بولعان.

پوليتسيا قىزمەتكەرى اتالمىش ەلدى مەكەندى پاترۋلدەۋ كەزىندە بالالار ويىن الاڭىندا جۇرگەن ايەلدى كورگەن.

قوسشى اۋىلىندا ەپيدەميولوگيالىق جاعدايدىڭ كۇردەلى بولۋى جانە كارانتيندىك رەجيمنىڭ ەنگىزىلگەنىنە قاراماستان ايەل جاس بالاسىمەن دالادا سەرۋەندەپ جۇرگەن.

ءتارتىپ ساقشىسىنىڭ كارانتيندىك رەجيم ۋاقىتىندا ۇيگە بار دەگەن تالابىن ەلەمەگەن ايەل ازاماتتىق نەكەدەگى كۇيەۋىن شاقىرعان.

ەر ادام پوليتسيا قىزمەتكەرىنە قارسىلىق تانىتىپ، جۇدىرىق الا جۇگىردى. ول ازداي ونىڭ ۇلكەن ۇلى مەن بەيتاراپ ءوتىپ بارا جاتقان ەر ادامدا توبەلەسكە ارالاستى.

«قوسشى اۋلىنىڭ 39 جاستاعى تۇرعىنى ۇستالىپ، ۋاقىتشا ۇستاۋ وقشاۋلاعىشىنا قامالدى. ونىڭ ۇستىنەن ق ر ق ك 380- بابى بويىنشا سوتقا دەيىنگى ءىس قوزعالدى. ال، ونىڭ ازاماتتىق نەكەدەگى 38 جاستاعى ايەلى ق ر ا ق ب ك 476-بابى بويىنشا اكىمشىلىك جاۋاپقا تارتىلدى. سونىمەن قاتار، بەيتاراپ ءوتىپ بارا جاتىپ وقيعاعا ارالاسىپ، پوليتسيا قىزمەتكەرىنە كۇش قولدانعان ءۇشىنشى ەر ادامدا ىزدەستىرىلۋدە»، - دەيدى ۆەدومستۆودان.

وسى رەتتە، اقمولا وبلىستىق پ د باستىعى ارمانبەك بايمۋرزين ءوڭىر تۇرعىندارىنا توتەنشە جاعداي رەجيمىن بۇزۋعا جول بەرىلمەيتىنىن ەسكەرتۋدە.

«شەكتەۋ رەجيمىن بارلىعىمىز ۇستانۋىمىز كەرەك. پوليتسيا قىزمەتكەرلەرى كوشەلەردى پاترۋلدەپ، تۇرعىنداردىڭ كارانتين رەجيمىن ساقتاۋىن قامتاماسىز ەتەدى. ءبىزدىڭ بارلىق كۇشىمىز جانە ارەكەتىمىز ازاماتتارىمىزدىڭ قامىنا قارسى باعىتتالماعان»، - دەپ ءتۇسىندىردى پ د باستىعى ا. بايمۋرزين.