كوروناۆيرۋستى انىقتايتىن تەستتىڭ باعاسى قانشا

نۇر-سۇلتان. قازاقپارات - كوروناۆيرۋستى انىقتايتىن ەكى ءتۇرلى تەست بار.

بۇل تۋرالى قوستاناي وبلىسى اۋماعىنا كارانتين ەنگىزۋگە قاتىستى وتكەن ونلاين بريفينگتە ايتىلدى، دەپ حابارلايدى قازاقپارات ءتىلشىسى.

«كوروناۆيرۋستى انىقتايتىن ەكى ءتۇرلى تەست بار. ءبىرىنشىسى – پ ت ر تەست. ونىڭ باعاسى ءتىپتى ەكونوميكالىق دامىعان ەلدەر ءۇشىن دە وتە جوعارى. ونىڭ باعاسى 5 مىڭ تەڭگە. ءبىراق پتر تاپسىرعاننان كەيىن 1-2 كۇن وتكەن سوڭ كوروناۆيرۋسپەن اۋىرىپ قالمايتىنىڭ تۋرالى كەپىلدىك جوق. ەكىنشىسى - ەكسپرەسس تەست. ونىڭ باعاسى 800 تەڭگەدەن باستالادى. بۇل تەست ادامنىڭ اۋىرىپ قالعانىن جانە نەمەنە ونىڭ اعزاسىندا اتالعان اۋرۋ بەلگىلەرى بار ەكەنىن انىقتايدى»، - دەدى قوستاناي وبلىسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ورال بەكماعامبەتوۆ.

ول بۇل تەستتەر ەلىمىزگە كەلگەنىن، كەلەسى اپتادا ءتيىستى جەرلەرگە جەتكىزىلەتىنىن ايتتى.

«بۇل سۇراقتار «وليمپ» جەكە كومپانياسى ارقىلى شەشىلەدى. ولار قازىرگى ۋاقىتتا دايىندالىپ جاتىر، تۇرعىندار سۇراقتارىنىڭ جاۋابىن سولاردان الادى. بارلىق تۇرعىندى تەستپەن قامتاماسىز ەتۋ مۇمكىن ەمەس جانە دۇرىس ەمەس دەپ ويلايمىن. بۇل جەردە كەشەندى تۇردە جۇمىس ىستەۋ كەرەك. ينكۋباۋيالىق كەزەڭ ەكى اپتاعا سوزىلادى، وسى ۋاقىت ارالىعىندا قانشاما قارجى كەتەدى»، - دەيدى ول.

اۆتور: زارينا قاھارمان