+7 (701) 759 90 19
-1 °С : نۇر-سۇلتان
6 °С : الماتى
USD 429.75 EUR 507.45
RUB 5.61 CNY 63.93
جاڭالىقتار

ليۆانداعى قازاقستاندىق بىتىمگەرلەردىڭ دەنساۋلىعى باقىلاۋدا - قورعانىس مينيسترلىگى

14 ءساۋىر 10:11
:ءبولىسۋ
ليۆانداعى قازاقستاندىق بىتىمگەرلەردىڭ دەنساۋلىعى باقىلاۋدا - قورعانىس مينيسترلىگى

نۇر-سۇلتان. قازاقپارات - 3- قازاقستاندىق بىتىمگەرشىلىك روتاسى ءۇندىستاندىق باتالون قۇرامىنداعى ب ۇ ۇ- نىڭ ليۆانداعى بىتىمگەرشىلىك ميسسياسىن جالعاستىرۋدا. л

پاندەمياعا بايلانىستى ميسسيا قولباسشىلىعى ۆيرۋستىڭ تارالۋىنىڭ الدىن الۋ ءۇشىن بارلىق ساقتىق شارالارىن قابىلدادى، دەپ حابارلايدى قازاقپارات ق ر قورعانىس مينسترلىگىنىڭ باسپا ءسوز قىزمەتىنە سىلتەمە جاساپ.

قازىر ليۆانداعى جاعداي تۇراقتى جانە جەرگىلىكتى بيلىك پەن «ليۆانداعى بۇۇ ۋاقىتشا كۇشتەرى» قولباسشىلىعىنىڭ باقىلاۋىندا.

26- ساۋىرگە دەيىن ەلىمىزدە توتەنشە جاعداي جاريالاندى. ديپلوماتيالىق تۇلعالاردى قوسپاعاندا، بۇكىل حالىق ءۇشىن بەيرۋت اۋەجايى، قۇرلىق جانە تەڭىز وتكەلدەرى جابىلدى. 3-قازاقستاندىق بىتىمگەرشىلىك روتاسىنىڭ كومانديرى مايور جانىبەك نۇرلانوۆتىڭ ايتۋىنشا، بىتىمگەرشىلىك بازاسىنداعى جاعداي تۇراقتى.

ميسسياداعى 11 مىڭ اسكەري قىزمەتشى مەن ازاماتتىق بىتىمگەرلەردىڭ دەنساۋلىق قاۋىپسىزدىگىن قامتاماسىز ەتۋ ءۇشىن كارانتين ەنگىزىلدى. بىتىمگەرلىك بازانىڭ ءاربىر باقىلاۋ-وتكىزۋ پۋنكتىندە مەديتسينالىق پەرسونال كەزەكشىلىك ەتەدى.

بايلانىسسىز تەرمومەتريا جۇزەگە اسىرىلىپ، سانيتارلىق-گيگيەنالىق نورمالار قاتاڭ ساقتالعان.

بىتىمگەرلەرگە ۆيرۋستى جۇقتىرۋ فاكتىلەرى تىركەلگەن اۋداندارعا ساپار جاساماۋ جانە جەرگىلىكتى حالىقپەن بايلانىستى بارىنشا شەكتەۋ ۇسىنىلدى. جەكە قۇراممەن كوروناۆيرۋستىق ينفەكتسيانى جۇقتىرۋدىڭ الدىن الۋ جانە بولدىرماۋ بويىنشا ساباقتار ۇنەمى وتكىزىلەدى.


«ءبىزدىڭ الدىمىزدا تۇرعان ەڭ ماڭىزدى مىندەت - بىتىمشىلەرىمىزدى ۆيرۋستان قورعاۋ. سونىمەن قاتار، ونىڭ تارالۋىنىڭ الدىن الۋ باستى ماقساتتاردىڭ ءبىرى، قازىرگى ۋاقىتتا ءبىزدىڭ جۇمىسىمىز وسىعان باعىتتالعان»، - دەپ اتاپ ءوتتى قازاقستاندىق كونتينگەنتتىڭ كومانديرى. كومانديردىڭ ايتۋىنشا، قازاقستاندىق بىتىمگەرلەردىڭ مورالدىق-پسيحولوگيالىق جاعدايى دا دەنساۋلىقتارى دا جاقسى. ولار بارلىق قاۋىپسىزدىك شارالارىن قاتاڭ ۇستانا وتىرا، «كوگىلدىر سىزىق» بويىندا تۇراقتىلىقتى قامتاماسىز ەتۋ ءۇشىن 24/7 رەجيمىندە جەدەل قىزمەتتى جۇزەگە اسىرۋ سىندى ءوز مىندەتتەرىن ورىنداۋدى جالعاستىرۋدا. قازاقستاندىق بىتىمگەرشىلىك كونتينگەنتى مودۋلدىك ۇلگىدەگى ەكى بىتىمگەرشىلىك بازادا ورنالاسقانىن اتاپ وتكەن ءجون. كۇندەلىكتى جايلى جاعدايى قالىپتاسقان.

ب ۇ ۇ تاراپىنان قامتاماسىز ەتىلەتىن ءۇش مەزگىلدىك تاماقتانۋ ۇيىمداستىرىلعان. دەنە شىنىقتىرۋمەن اينالىسۋ ءۇشىن جابدىقتالعان سپورت زالى بار. مىندەتتەردى ورىنداۋدان بوس ۋاقىت كەزىندە بىتىمگەرلەر فۋتبول، ۆولەيبول، شاحمات جانە بيليارد وينايدى. اركىم ءوز وتباسىمەن بەينەبايلانىس ارقىلى حابارلاسا الادى.

ميسسيا باسشىلىعى قازاقستاندىق بىتىمگەرلەردىڭ جاقسى دايىندىعى مەن ءتارتىبىن اتاپ ءوتتى.

اسىرەسە، ولار كولىك جۇرگىزۋىندە ەرەكشەلەنەدى.




:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات