ح و ك: توكيو وليمپياداسىن اۋىستىرۋ بىرنەشە ميلليون دوللار شىعىنعا ۇشىراتادى

None
None
نۇر-سۇلتان. قازاقپارات - توكيو وليمپياداسى ويىندارىن 2021-جىلعا اۋىستىرۋ حالىقارالىق وليمپيادا كوميتەتىن (ح و ك) بىرنەشە ميلليون دوللار شىعىنعا ۇشىراتۋى مۇمكىن.

بۇل تۋرالى ح و ك پرەزيدەنتى توماس باح ءمالىم ەتتى، دەپ حابارلايدى قازاقپارات نەمىستىڭ Frankfurter Allgemeine Zeitung باسىلىمىنا سىلتەمە جاساپ.

توكيوداعى وليمپيادا ويىنى 2020-جىلى 24- شىلدەدەن باستاپ 9- تامىز ارالىعىندا ءوتۋى ءتيىس بولاتىن. ءبىراق كوروناۆيرۋس پاندەمياسى سالدارىنان ءبىر جىلعا، ياعني 2021-جىلعى 23- شىلدە - 8- تامىز ارالىعىنا اۋىستىرىلدى.

«اۋىستىرۋ قۇنىن ءالى دە ەسەپتەۋ قاجەت. ح و ك بىرنەشە ءجۇز ميلليون دوللاردى قۇرايتىن قوسىمشا شىعىندارعا ۇشىرايتىندىعىن قازىردىڭ وزىندە اق ايتۋعا بولادى»، - دەدى باح.

ح و ك اۋقىمدى قارجى شىعىندارىنا ۇشىراماۋى ءۇشىن وليمپيادا-2020 اۋىستىرۋعا ۇزاق ۋاقىت كەلىسىم بەرمەگەن بولاتىن.

ەڭ اۋىر شىعىنعا باتىپ وتىرعان جاپونيا، بۇل ەل بۇگىنگى كۇنى شامامەن 12 ميلليارد دوللاردان استام قارجى جۇمساپ ۇلگەردى. ساراپشىلاردىڭ باعالاۋىنشا، ويىنداردى كەيىنگە شەگەرۋ جارناما بەرۋشىلەرگە دە وڭاي تۇسپەي وتىر، ولار شامامەن 1 ميلليارد دوللاردان ايىرىلۋى مۇمكىن.

بۇعان قوسا ۇلتتىق وليمپيادا كوميتەتتەرىنىڭ جانە ويىنعا قاتىساتىن ەلدەردىڭ ءالى ەسەپتەلمەگەن شىعىندارى دا بار.

سوڭعى جاڭالىقتار