قازاقستاندا ەپيدەميا شارىقتاۋ شەگىنە جەتكەن جوق
«كەيىنگى ءتورت كۇندە كوروناۆيرۋس جۇقتىرۋدىڭ جاڭا جاعدايلارىنىڭ باسەڭدەگەنىن بايقايمىز. ايتسە دە قازاقستاندا ەپيدەميا شارىقتاۋ شەگىنە جەتپەگەنىن ايتا كەتۋ كەرەك. كارانتين شارالارىنىڭ ارقاسىندا نۇر- سۇلتان مەن الماتى قالالارىندا ۆيرۋستى جۇقتىرعاندار سانى توقتاپ قالدى. ءبىراق باسقا وڭىرلەردە ەپيدەميانىڭ بەلەڭ الىپ بارا جاتقانى بايقالادى. شامامەن قازاقستاندا ەپيدەميانىڭ شىرقاۋ شەگى - ءبىر- ەكى اپتانىڭ ىشىندە بولادى دەگەن بولجام جاسالىپ وتىر»، - دەدى بوتاگوز جاقسەلەكوۆا ونلاين رەجيمدە و ك ق- دا وتكەن باسپا ءسوز ءماسليحاتىندا.
ونىڭ ايتۋىنشا كوروناۆيرۋستى انىقتاۋ بويىنشا ادامدار توبى دا بەلگىلەنگەنىن اتاپ ءوتتى.
«ولار-كەيىنگى ەكى ايدا سۋىق ءتيىپ، اۋىرعان ادامدار. تەست ولاردا كوروناۆيرۋستىڭ بار- جوعىن انىقتاپ بەرەدى. ءبىراق قازىرگى ۋاقىتتا كوروناۆيرۋسپەن اۋىراتىن ادامدارعا ەكسپرەس- تەستتەردىڭ بەلگىلى ءبىر دارەجەدە زيان ەكەنىن ايتا كەتۋ كەرەك. ەگەر ادامنىڭ اعزاسىندا انتيدەنە بولماسا تەست ونى كورسەتەدى»،-دەدى ول.