كوروناۆيرۋس جۇقتىرعان قازاقستاندىق دارىگەرلەردىڭ جاعدايى قالاي

نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى قوعامدىق دەنساۋلىق ساقتاۋ دەپارتامەنتىنىڭ ديرەكتورى ماعريپا ەمبەرگەنوۆا كوروناۆيرۋس جۇقتىرعان دارىگەرلەردىڭ جاعدايىن ايتتى، دەپ حابارلايدى قازاقپارات ءتىلشىسى.

«بۇگىندە قازاقستاندا 120 مەديتسينا قىزمەتكەرى ينفەكسيانى جۇقتىرۋىنا بايلانىستى ەم الىپ جاتىر. ولاردىڭ دا جاعدايىن ينفەكسيونيستەرمەن، پۋلمونولوگتارمەن جانە قارقىندى تەراپيەۆتەرمەن باقىلانىپ وتىر. جاعدايلارى قاناعاتتانارلىق دەپ باعالانادى. ولار تۇراقتى باقىلاۋىمىزدا تۇر» ، - دەدى ول ورتالىق كوممۋنيكاتسيالار قىزمەتىندەگى ونلاين- بريفينگتە. وسى رەتتە قازاقستانعا كومەك كورسەتۋگە كەلگەن ق ح ر ش ۇ ا ر حالىقتىق اۋرۋحاناسى باس دارىگەرىنىڭ ورىنباسارى لۋ چەن ءوز ەلىندە كوروناۆيرۋس جۇقتىرىپ العان دارىگەرلەر جايىندا ايتىپ بەردى.

«قىتايدا 3387 مەديتسينا قىزمەتكەرى اۋىردى. ولاردىڭ 90 پايىزى - ۋحان قالاسىنىڭ تۇرعىندارى، سول قالانىڭ مەديتسينا قىمەتكەرلەرى. بۇل قىزمەتكەرلەر ىندەت ۋشىعىپ تۇرعان ساتتە جۇقتىرىپ العان. ءبىز مەديتسينا قىزمەتكەرلەرىن وقىتۋ، قورعانىس قۇرالدارىمەن قامتاماسىز ەتۋ ارقىلى كۇرەستىك. وسىنداي شارالار قابىلدانعاننان كەيىن دارىگەرلەر اراسىندا ىندەت جۇقتىرۋ جاعدايلارى وتە از بولدى. بۇل جاقسى ناتيجە بەردى» ، - دەدى لۋ چەن.