پرەزيدەنت ساپاسىز جانار- جاعارماي جەتكىزەتىن كومپانيالاردى انىقتاۋدى تاپسىردى
«ديزەل وتىنىنىڭ ساپاسىنا قاتىستى سىن ايتىلۋدا. فەرمەرلەر وتىن ساپاسىنىڭ تومەن بولۋى سالدارىنان وتە قىمبات اۋىل شارۋاشىلىعى تەحنيكاسىنىڭ ىستەن شىعۋى فاكتىلەرىن ايتۋدا. وسىعان بايلانىستى ەنەرگەتيكا مينيسترلىگى مەن اكىمدەر جانار- جاعارمايدىڭ كولەمىن عانا ەمەس، ساپاسىن دا قامتاماسىز ەتۋدى باقىلاۋعا الۋ ءتيىس»، - دەپ تاپسىردى پرەزيدەنت.
وسى ورايدا مەملەكەت باسشىسى ساپاسىز وتىندى جەتكىزۋ ەكونوميكاعا، سونداي- اق ەلدىڭ ۇلتتىق قاۋىپسىزدىگىنە كەلتىرىلگەن تىكەلەي زالال ەكەنىن قاداپ ايتتى.
«ۇلتتىق قاۋىپسىزدىك كوميتەتى، قارجى مينيسترلىگىنىڭ ەكونوميكالىق تەرگەۋ قىزمەتى ساپاسىز جانار- جاعارماي جەتكىزەتىن كومپانيالار مەن جەكە تۇلعالاردى انىقتاۋى كەرەك. اتالعان جاعداي ەلدىڭ قاۋىپسىزدىگىنە نۇقسان كەلتىرىپ، ەكونوميكالىق الەۋەتىن تۇسىرەدى. مۇنداي قاستىق جاسايتىنداردىڭ وسى جانە باسقا دا ۇقساس ءىس- قيمىلدارىن قۇقىق قورعاۋ ورگاندارى تىركەۋگە الۋى ءتيىس»، - دەدى پرەزيدەنت.
وسى ورايدا مەملەكەت باسشىسى اتالعان زالالدى ءىس- قيمىلدار جاسايتىندار زاڭ بويىنشا جاۋاپكەرشىلىككە تارتىلۋى كەرەكتىگىن اتاپ ءوتتى.
اۆتور: رۋسلان عابباسوۆ