قازاقستاندا ورالمان مارتەبەسىن قالاي الۋعا بولادى؟

نۇر-سۇلتان. قازاقپارات - قازاقستاندا تۇرۋ ىقتيارحاتىن قالاي الۋعا بولادى؟ ول ءۇشىن قانداي قۇجاتتار قاجەت؟ سونىمەن قاتار، ورالمان مارتەبەسىن قالاي الۋعا بولادى؟

بۇل سۇراقتارعا دۇنيەجۇزى قازاقتارى قاۋىمداستىعىنىڭ باسپا ءسوز حاتشىسى سىرىمبەك تولەۋ ۇلى جاۋاپ بەردى، - دەپ حابارلايدى Tengrinews.kz ءتىلشىسى.

رۇقسات كوشى-قون پوليتسياسىنىڭ اۋماقتىق ورگانىندا بەرىلەدى. ق ر كەلۋشىلەرگە جانە تۇرۋ ىقتيارحاتىن الۋعا تىلەك بىلدىرۋشىلەرگە قويىلاتىن نەگىزگى تالاپ ولاردىڭ تولەم قابىلەتتىلىگىنىڭ دالەلى بولىپ تابىلادى.

رۇقساتتى رەسىمدەۋ ءۇشىن نە قاجەت؟

قازاقستان رەسپۋبليكاسىندا تۇراقتى تۇرۋ ۆيزاسىمەن ۋاقىتشا بولاتىن نە قازاقستان رەسپۋبليكاسىمەن كىرۋدىڭ جانە بولۋدىڭ ۆيزاسىز ءتارتىبى تۋرالى كەلىسىم جاساسقان مەملەكەتتەردەن كەلگەن شەتەلدىكتەر سونداي-اق وزدەرىنە بەرىلگەن ۆيزانىڭ ساناتىنا قاراماستان، ەتنيكالىق قازاقتار قازاقستان رەسپۋبليكاسىندا تۇراقتى تۇرۋعا رۇقسات الۋ ءۇشىن ىشكى ىستەر ورگاندارىنا جۇگىنەدى جانە 2015-جىلعى 7- ساۋىردەگى 315№ بۇيرىعىمەن بەكىتىلگەن تىزبەسى بويىنشا كەلەسى قۇجاتتار ۇسىنىلادى:

قازاقستان رەسپۋبليكاسىندا تۇراقتى تۇرۋعا رۇقساتتى بەرۋ تۋرالى ءوتىنىش-ساۋالناما.

ءوتىنىش بەرۋشىنىڭ ۇلتتىق پاسپورتىنىڭ كوشىرمەسى جانە ءتۇپ نۇسقاسى، ازاماتتىعى جوق ادامنىڭ قۇجاتى، جارامدىلىق مەرزىمى ءوتىنىش بەرگەن كۇنگە كۇنتىزبەلىك 180 كۇننەن استام بولۋى ءتيىس.

بىرلەسىپ ءوتىنىش بەرگەن كەزدە ون التى جاسقا تولماعان بالانىڭ جەكە باسىن كۋالاندىراتىن بالانىڭ تۋۋ تۋرالى كۋالىگى نەمەسە باسقا قۇجاتتىڭ كوشىرمەسى جانە ءتۇپنۇسقاسى (سالىستىرا تەكسەرۋ ءۇشىن).

شەت ەلدە تۇراقتى تۇرۋعا رۇقساتتى راستايتىن مەملەكەتتىڭ جازباشا كەلىسىمى نەمەسە كەتۋ پاراعى نە باسقا قۇجات (بوسقىندار دەپ تانىلعان نەمەسە قازاقستان رەسپۋبليكاسىندا پانا ۇسىنىلعان شەتەلدىكتەر مەن ازاماتتىعى جوق ادامداردى جانە ەگەر حالىقارالىق شارتتا وزگەشە كوزدەلمەسە، قىتاي حالىق رەسپۋبليكاسىنان كەلەتىن ەتنيكالىق قازاقتاردى قوسپاعاندا).

ءوتىنىشحات بەرۋشىنىڭ قولىمەن مەملەكەتتىك نە ورىس تىلىندەگى ءومىربايان.

ەتنيكالىق قازاقتاردى، بۇرىنعى وتانداستاردى، قازاق كەڭەستىك سوتسياليستىك رەسپۋبليكاسىندا نەمەسە قازاقستان رەسپۋبليكاسىندا تۋعان نەمەسە بۇرىن ونىڭ ازاماتتىعىندا بولعان ادامداردى، سونداي-اق قازاقستان رەسپۋبليكاسىنىڭ حالىقارالىق شارتتار نەگىزىندە جەڭىلدەتىلگەن تارتىپتە قازاقستان رەسپۋبليكاسىنىڭ ازاماتتىعىن الۋعا قۇقىعى بار ادامداردى جانە ولاردىڭ وتباسى مۇشەلەرىن قوسپاعاندا، «قازاقستان رەسپۋبليكاسىندا تۇراقتى تۇرۋعا رۇقساتتار الۋعا ۇمىتكەر شەتەلدىكتەردىڭ جانە ازاماتتىعى جوق ادامداردىڭ قازاقستان رەسپۋبليكاسىندا بولۋ كەزەڭىندە وزدەرىنىڭ تولەم جاساۋ قابىلەتتىگىن راستاۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2003-جىلعى 26- قاراشاداعى 1185№ قاۋلىسىنا سايكەس ءوزىنىڭ تولەم قابىلەتتىلىگىن راستاۋ تۋرالى قۇجات.

ازاماتتىعى تيەسىلىلىگى نەمەسە تۇراقتى تۇراتىن مەملەكەتتە سوتتىلىعى (سوتتىلىعىنىڭ بولماۋى) تۋرالى ءتيىستى مەملەكەتتىڭ قۇزىرەتتى ورگانى بەرگەن قۇجات (قىتاي حالىق رەسپۋبليكاسى ازاماتتارىنىڭ ەتنيكالىق قازاقتارىن قوسپاعاندا، ەگەر وزگە حالىقارالىق شارتتاردا كوزدەلمەسە).

قازاقستان رەسپۋبليكاسىندا تۇراقتى تۇرۋعا 14 تەن 18 جاسقا دەيىنگى بالانىڭ نوتاريالدى كۋالاندىرىلعان كەلىسىمى.

ءوتىنىش بەرۋشىگە تۇرۋعا تۇرعىن ءۇي ۇسىنۋ جانە تۇراقتى تىركەۋ ەسەبىنە قويۋ تۋرالى جەكە جانە زاڭدى تۇلعامەن نوتاريالدى كۋالاندىرىلعان شارت نە نوتاريالدى كۋالاندىرىلعان كەلىسىم.

«شەتەلدىكتەردە جانە ازاماتتىعى جوق ادامداردا بولۋى ولاردىڭ قازاقستان رەسپۋبليكاسىنا كەلۋىنە تىيىم سالاتىن اۋرۋلاردىڭ تىزبەسىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2011-جىلعى 30- قىركۇيەكتەگى 664№ بۇيرىعىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە 2011-جىلعى 24- قازاندا 7274№ بولىپ تىركەلدى) سايكەس شەتەلدىكتەر مەن ازاماتتىعى جوق ادامدارعا كەلۋگە تىيىم سالىناتىن سىرقاتتاردىڭ بار-جوعى تۋرالى شەتەلدىكتىڭ مەديتسينالىق كۋالاندىرۋ تۋرالى

مولشەرى 35x 45 م م ءبىر فوتوسۋرەت.

ءتيىستى مەملەكەتتىڭ قۇزىرەتتى ورگانى بەرگەن باسقا مەملەكەتتىڭ ازاماتتىعىنىڭ بولماۋى جانە توقتاتىلۋى تۋرالى انىقتاما (ازاماتتىعى جوق ادامنىڭ كۋالىگى جوق ازاماتتىعى جوق ادام ءوتىنىش بەرگەن كەزدە).

ءوتىنىشحاتتى قاراۋ مەرزىمى كۇنتىزبەلىك 60 كۇندى قۇرايدى.

وڭ قورىتىندىسى شىعارىلعان جاعدايدا شەتەلدىك تۇراقتى تىركەۋ ەسەبىنە الىنىپ جانە شەتەلدىكتىڭ تۇرۋعا ىقتيارحاتىمەن قۇجاتتاندىرىلاتىن بولادى.

يمميگرانتتارعا ۇلتتىق قاۋىپسىزدىك ورگاندارىنىڭ وڭ كەلىسىمىنسىز قازاقستان رەسپۋبليكاسىندا تۇراقتى تۇرۋعا رۇقسات بەرۋگە تىيىم سالىنادى.

تۇرۋ ىقتيارحاتىن راسىمدەۋ ءۇشىن نە قاجەت؟

شەتەلدىكتىڭ قر تۇرۋىنا ىقتيارحاتتى رەسىمدەۋ، بەرۋ، اۋىستىرۋ، تاپسىرۋ، الىپ قويۋ جانە جويۋ قاعيدالارىنىڭ سايكەس تۇرۋ ىقتيارحاتى 10 جىل مەرزىمگە، شەتەلدىكتىڭ ازاماتتىعى بار ەلدىڭ پاسپورتىنىڭ قولدانىلۋ مەرزىمىنە بەرىلەدى. ق ر تۇرۋ قۇقىعىنىڭ قولدانىلۋ مەرزىمىن ۇزارتۋ نەمەسە جاڭا ۇلگىدەگى قۇجاتتى بەرۋ تۋرالى ءوتىنىشتى شەتەلدىكتەر مەرزىمى اياقتالاردان 1 اي بۇرىن، ال جوعالتقان جاعدايدا ءۇش تاۋلىكتەن كەشىكتىرمەي تۇرعىلىقتى جەرى بويىنشا ىشكى ىستەر ورگاندارىنا تاپسىرۋى ءتيىس.

جاڭا تۇرۋ ىقتيارحاتىن راسىمدەۋ كەزىندە شەتەلدىك قازاقستاندا تۇراقتى تۇرۋشى مارتەبەسىن جوعالتپايدى.

ق ر- دا تۇرۋعا ىقتيارحاتتى «تۇراقتى تۇرۋ» ساناتىنداعى ۆيزانىڭ نەگىزىندە ەل اۋماعىنا كەلگەن شەتەل ازاماتتارى الا الادى.

ۇكىمەت قاۋلىسىنا سايكەس ق ر شەتەلدىكتىڭ تۇرۋ ىقتيارحاتتى راسىمدەۋ ءۇشىن ۋاكىلەتتى مەملەكەتتىك ورگانعا مىناداي قۇجاتتاردى ۇسىنۋ قاجەت:

مەملەكەتتىك باج تولەنگەنى تۋرالى قۇجات؛

ولشەمى 3,5x 4,5 سانتيمەتر ءبىر فوتوسۋرەت؛

جارامدى ۇلتتىق پاسپورت.

شەتەلدىكتىڭ قازاقستان رەسپۋبليكاسىندا تۇرۋىنا ىقتيارحاتتى تولتىرعان كەزدە تەگى، اتى، اكەسىنىڭ اتى (ول بولعان جاعدايدا) جانە باسقا دەرەكتەر ۇلتتىق پاسپورتتارعا سايكەس جازىلادى.

شەتەلدىكتىڭ ق ر تۇرۋىنا ىقتيارحات ق ر اۋماعىندا تۇراقتى تۇرىپ جاتقان ازاماتتارعا ون التى جاستان باستاپ بەرىلەدى، ون التى جاسقا تولماعان بالالارعا تۇرۋعا ىقتيارحات قاجەت ەمەس.

جوعارىدا اتالعان قۇجاتتار تاپسىرىلعان جانە ءوتىنىش بەرۋشى فورمۋلياردىڭ تۇبىرتەگىن العان ساتتەن باستاپ تۇرۋعا ىقتيارحاتتى، ازاماتتىعى جوق ادامنىڭ كۋالىگىن الۋىنا دەيىن - 17 كۇنتىزبەلىك كۇن. تۇلعانىڭ قالاۋى بويىنشا شەتەلدىكتىڭ تۇرۋعا ىقتيارحاتى، رەسىمدەلگەن كۇننەن باستاپ 7 جۇمىس كۇنىنە دەيىن جەدەلدەتىلگەن تارتىپپەن بەرىلەدى.

ازاماتتىعى جوق ادامنىڭ كۋالىگىن راسىمدەۋدە مەملەكەتتىك باج الىمىنىڭ مولشەرى مەملەكەتتىك باج الىمىن تولەۋ كۇنىندە بەلگىلەنگەن ايلىق ەسەپتىك كورسەتكىشتىڭ مولشەرىنەن %400 قۇرايدى. شەتەلدىكتىڭ قازاقستان رەسپۋبليكاسىندا تۇرۋ ىقتيارحاتىن راسىمدەۋدە مەملەكەتتىك باج الىمدى تولەۋ كۇنىندە بەلگىلەنگەن اەك مولشەرىنەن %20. مەملەكەتتىك باج الىم ق ر بانك مەكەمەلەرى ارقىلى تولەنەدى، ولارعا تولەم مولشەرى مەن كۇنىن راستايتىن قۇجات (تۇبىرتەك) بەرىلەدى.

ورالمان مارتەبەسىن قالاي الۋعا بولادى؟

قازاقستان رەسپۋبليكاسى اۋماعىنا ءوز بەتىمەن كەلگەن ەتنيكالىق قازاقتار ورالمان مارتەبەسىن الۋ ءۇشىن ءوتىنىشتى مەملەكەتتىك كورپوراتسياعا بەرە الادى. ءوتىنىش بەرۋشى مىناداي قۇجاتتاردى بەرۋگە ءتيىس:

ءوتىنىش؛

ءومىربايان (ەركىن نىساندا)؛

وتاعاسىنا، سونداي-اق ءار وتباسى مۇشەسىنە ولشەمى 3x 4 سانتيمەتر بولاتىن ەكى فوتوسۋرەتتەن؛

ءوتىنىش ءبىلدىرۋشى ۇمىتكەردىڭ جانە ونىمەن بىرگە قونىس اۋدارعان وتباسى مۇشەلەرىنىڭ جەكە باسىن كۋالاندىراتىن قۇجاتتاردىڭ (شەتەل پاسپورتتارىنىڭ نەمەسە ازاماتتىعى جوق ادامنىڭ جەكە كۋالىگىنىڭ، كامەلەتكە تولماعان بالالاردىڭ تۋۋ تۋرالى كۋالىكتەرىنىڭ،) نوتاريالدىق كۋالاندىرىلعان اۋدارماسى بار كوشىرمەلەرى؛

قازاقستان رەسپۋبليكاسى ەگەمەندىك العان كەزدە ءوتىنىش بەرۋشىنىڭ قازاقستان رەسپۋبليكاسىنىڭ شەگىنەن تىس جەردە تۇراقتى تۇرۋ شىندىعىن راستايتىن، سونداي-اق ونىڭ قازاقستان رەسپۋبليكاسىنىڭ شەگىنەن تىس جەردە تۋعان ۇلتى قازاق بالالارىنىڭ قۇجاتتاردىڭ كوشىرمەسى.

ورالمان مارتەبەسىن بەرۋ وبلىستاردىڭ، استانا جانە الماتى قالالارىنىڭ جەرگىلىكتى اتقارۋشى ورگاندارى جۇزەگە اسىرادى.

جەرگىلىكتى اتقارۋشى ورگان ەتنيكالىق قازاقتارعا جانە ولاردىڭ وتباسى مۇشەلەرىنە ورالمان مارتەبەسىن بەرۋ تۋرالى شەشىمدى ءوتىنىش جەرگىلىكتى اتقارۋشى ورگاندا تىركەلگەن كۇننەن باستاپ بەس جۇمىس كۇنى ىشىندە قابىلدايدى، ورالمان كۋالىگىن بەرەدى نە ورالمان مارتەبەسىن بەرۋدەن دالەلدى تۇردە باس تارتادى.

شەشكەننەن كەيىن جەرگىلىكتى اتقارۋشى ورگان ورالمان مارتەبەسىن بەرۋ تۋرالى اقپاراتتى جانە ورالمان كۋالىگىن مەملەكەتتىك كورپوراتسياعا جىبەرەدى. ناتيجەلەرىن العاننان كەيىن مەملەكەتتىك كورپوراتسيا ورالمان كۋالىگىن بەرەدى نە ورالمان مارتەبەسىن بەرۋدەن باس تارتىلعانى تۋرالى حابارلايدى.

قازاقستان رەسپۋبليكاسىنىڭ شەگىنەن تىس جەردە تۇراتىن ەتنيكالىق قازاقتار ورالمان مارتەبەسىن الۋعا ءوتىنىشتى قازاقستان رەسپۋبليكاسىنىڭ شەتەلدەگى مەكەمەلەرىنە بەرەدى.

وتىنىشكە مىناداي قۇجاتتار قوسا بەرىلەدى:

ءومىربايان (ەركىن نىساندا)؛

وتاعاسىنا، سونداي-اق ءار وتباسى مۇشەسىنە ولشەمى 3x 4 سانتيمەتر بولاتىن ەكى فوتوسۋرەتتەن؛

ۇمىتكەردىڭ جانە ونىڭ وتباسى مۇشەلەرىنىڭ جەكە باسىن كۋالاندىراتىن قۇجاتتاردىڭ كوشىرمەلەرى (شەتەلدىك پاسپورتتىڭ نە ازاماتتىعى جوق ادامنىڭ كۋالىگىنىڭ، كامەلەتكە تولماعان بالالاردىڭ تۋۋ تۋرالى كۋالىگىنىڭ)، اۋدارماسىمەن نوتاريالدى راستالعان؛

ۇمىتكەردىڭ سايكەستىگىن بەلگىلەيتىن قۇجاتتاردىڭ كوشىرمەلەرى.

قازاقستان رەسپۋبليكاسىنىڭ شەتەلدەگى مەكەمەلەرى ورالمان مارتەبەسىن بەرۋگە، سونداي-اق قازاقستان رەسپۋبليكاسىندا تۇراقتى تۇرۋعا رۇقسات الۋعا ۇمىتكەرلەردىڭ قۇجاتتارىن قابىلدايدى جانە ولاردى تىركەۋ كۇنىنەن باستاپ ون جۇمىس كۇنى ىشىندە حالىقتىڭ كوشى- قونى ماسەلەلەرى بويىنشا ۋاكىلەتتى ورگانىنا جىبەرەدى.

حالىقتىڭ كوشى-قونى ماسەلەلەرى جونىندەگى ۋاكىلەتتى ورگان ەتنيكالىق قازاقتاردىڭ وتىنىشتەرى مەن قۇجاتتارى كەلىپ تۇسكەن كۇننەن باستاپ بەس جۇمىس كۇنى ىشىندە ولاردى ورالمان مارتەبەسىن بەرۋگە كەلىسۋ، سونداي-اق قازاقستان رەسپۋبليكاسىندا تۇراقتى تۇرۋعا رۇقسات الۋعا نەمەسە باس تارتۋ سەبەبىنىڭ دالەلدى نەگىزدەمەسىمەن باس تارتۋ تۋرالى شەشىم قابىلداۋ ءۇشىن جىبەرەدى.

شەشىم قابىلداۋ ءۇشىن جەرگىلىكتى اتقارۋشى ورگاندار ەتنيكالىق قازاقتاردىڭ وتىنىشتەرى مەن قۇجاتتارى كەلىپ تۇسكەن كۇننەن باستاپ بەس جۇمىس كۇنى ىشىندە ولاردى ءتيىستى وڭىرلەردىڭ ىشكى ىستەر ورگاندارىنىڭ، ۇلتتىق قاۋىپسىزدىك ورگاندارىنىڭ، پروكۋراتۋرانىڭ اۋماقتىق بولىمشەلەرىنە ورالمان مارتەبەسىن يەلەنۋ، سونداي-اق قازاقستان رەسپۋبليكاسىندا تۇراقتى تۇرۋعا رۇقسات الۋى، قازاقستان رەسپۋبليكاسىنىڭ اۋماعىندا قۇقىق بۇزۋشىلىق جانە ولاردىڭ تەرروريستىك نەمەسە ەكسترەميستىك ۇيىمدار قاتارىندا جاتاتىندىعى تۋرالى وزگە دە اقپارات تۋرالى ءوتىنىش بەرىپ جاتقان ۇمىتكەرلەردىڭ جاساۋى تۋرالى اشكەرەلەيتىن مالىمەتتەردىڭ بولۋىن نە بولماۋىن تەكسەرۋ ءۇشىن جىبەرەدى.

ىشكى ىستەر ورگاندارى، ۇلتتىق قاۋىپسىزدىك ورگاندارى، پروكۋراتۋرانىڭ اۋماقتىق بولىمشەلەرى ەتنيكالىق قازاقتاردىڭ وتىنىشتەرى مەن قۇجاتتارى تىركەلگەن كۇننەن باستاپ كۇنتىزبەلىك وتىز كۇن ىشىندە جەرگىلىكتى اتقارۋشى ورگاندارعا ەتنيكالىق قازاقتارعا ورالمان مارتەبەسىن بەرۋگە كەدەرگى كەلتىرەتىن وسى تارماقتىڭ ەكىنشى بولىگىندە كورسەتىلگەن نەگىزدەردىڭ بار نەمەسە جوق ەكەنى تۋرالى اقپارات جىبەرەدى.

جەرگىلىكتى اتقارۋشى ورگاندار:

كۇنتىزبەلىك ون كۇن ىشىندە ءتيىستى ورگانداردىڭ اقپاراتتى كەلىپ تۇسكەن كۇننەن باستاپ ولاردى كوميسسيانىڭ قاراۋىنا ەنگىزەدى. كوميسسيا ون جۇمىس كۇنى ىشىندە ەتنيكالىق قازاقتاردىڭ وتىنىشتەرى مەن قۇجاتتارىن العان كۇننەن باستاپ «ورالمان مارتەبەسىن» بەرۋگە الدىن الا كەلىسىم جانە (نەمەسە) ورالمانداردى قابىلداۋدىڭ وڭىرلىك كۆوتاسىنا ەنگىزۋ تۋرالى نە باس تارتۋ سەبەبىنىڭ دالەلدى نەگىزدەمەسىمەن باست تارتۋ تۋرالى شەشىم قابىلدايدى؛

كوميسسيا شەشىمىن قابىلداعاننان كەيىن ءۇش جۇمىس كۇنىنەن كەشىكتىرمەي ەتنيكالىق قازاقتارعا ورالمان مارتەبەسىن بەرۋگە كەلىسىم جانە (نەمەسە) ورالمانداردى قابىلداۋدىڭ وڭىرلىك كۆوتاسىنا ەنگىزۋ تۋرالى نەمەسە سەبەپتەرىنىڭ دالەلدى نەگىزدەمەسى بار باس تارتۋ تۋرالى اقپاراتتى حالىقتىڭ كوشى-قونى ماسەلەلەرى جونىندەگى ۋاكىلەتتى ورگانعا جىبەرەدى.

حالىقتىڭ كوشى-قونى ماسەلەلەرى جونىندەگى ۋاكىلەتتى ورگان ءوتىنىش بەرۋشىگە جەتكىزۋ ءۇشىن قازاقستان رەسپۋبليكاسىنىڭ شەتەلدەگى مەكەمەلەرىنە ورالمان مارتەبەسىن بەرۋگە كەلىسىمى تۋرالى نە سەبەپتەرىنىڭ دالەلدى نەگىزدەمەسى بار باس تارتۋ تۋرالى جەرگىلىكتى اتقارۋشى ورگاننىڭ شەشىمىن جىبەرەدى.

قازاقستان رەسپۋبليكاسىنىڭ شەتەلدەگى مەكەمەلەرى ەتنيكالىق قازاقتارعا ورالمان مارتەبەسىن بەرۋگە جەرگىلىكتى اتقارۋشى ورگاننىڭ كەلىسىمىن العاننان كەيىن ونى ءبىر اي ىشىندە ءوتىنىش بەرۋشىگە جولدايدى نەمەسە باس تارتىلعانى تۋرالى حابارلايدى.

ەتنيكالىق قازاقتار مەن ولاردىڭ وتباسى مۇشەلەرىن العاشقى قونىستاندىرۋ ولاردىڭ قالاۋى بويىنشا ۋاقىتشا ورنالاستىرۋ ورتالىقتارىندا ورالمان مارتەبەسىن العانعا دەيىن جۇزەگە اسىرىلادى، ءبىراق 10 كۇنتىزبەلىك كۇننەن ارتىق ەمەس.

بەيىمدەلۋ جانە ينتەگراتسيالىق قىزمەتتەرىن كورسەتۋ ءۇشىن ورالمانداردىڭ بەيىمدەلۋ جانە ينتەگراتسيا ورتالىقتارى قۇرىلىپ جاتىر.

ورتالىقتا ۋاقىتشا نەگىزدە تۇرۋ ءۇشىن ورالماندار، سونداي-اق ولاردىڭ وتباسى مۇشەلەرى تەگىن ورنالاستىرىلادى. ورتالىقتا جەدەل ورالمانداردىڭ قوعامعا بەيىمدەلۋى مەن ينتەگراتسياسىنا باعىتتالعان جاعداي جاسالۋدا. ورالمانداردىڭ بەيىمدەلۋ جانە ينتەگراتسيا ورتالىقتارىندا ورالماندار مەن ولاردىڭ وتباسى مۇشەلەرىنىڭ تۇرۋ ءتارتىبى مەن مەرزىمدەرىن، سونداي-اق ولارعا بەيىمدەلۋ جانە ينتەگراتسيالىق قىزمەتتەرىن كورسەتۋ ءتارتىبىن حالىقتىڭ كوشى-قونى ماسەلەلەرى جونىندەگى ۋاكىلەتتى ورگان ايقىندايدى.

قىزمەتتىك نەمەسە جەكە تۇرعىن ءۇي بولماعان جاعدايدا، ورالماندار ورالمانداردىڭ بەيىمدەلۋ جانە ينتەگراتسيا ورتالىقتارىندا، ۋاقىتشا ورنالاستىرۋ ورتالىقتارىندا ءبىر جىلدان ارتىق ەمەس مەرزىمگە ۋاقىتشا تىركەلە الادى.

ورالمان مارتەبەسى ق ر ازاماتتىعىن العاننان كەيىن توقتاتىلادى.