الماتىدا پوليتسيا قوعامدىق كولىكتەردەگى جولاۋشىلاردى تەكسەرىپ جاتىر
ءتارتىپ ساقشىلارى الماتىلىقتاردىڭ كارانتين رەجيمى كەزىندە قالا ىشىندە جۇرۋىنە رۇقسات بەرىلگەن نە بەرىلمەگەندىگىن انىقتاپ جاتىر.
پوليتسيا ينسپەكتورلارى پلانشەت ارقىلى ازاماتتاردىڭ جەدەل شتابتىڭ ءبىرىڭعاي تىزىلىمىندە بولۋىن نەمەسە بولماۋىن انىقتايدى.
«بۇل جۇمىسقا ۋچاسكەلىك پوليتسيا ينسپەكتورلارى قاتىسادى، ولار قالانىڭ قوعامدىق كولىكتەرىنە تەكسەرىس جۇرگىزەدى. ءار ازاماتتىڭ دەرەكتەرى ەلەكتروندى تۇردە تەكسەرىلەدى. اقپارات بولماعان جاعدايدا، شۇعىل قاجەتتىلىك بولماسا كوشەدە جۇرۋگە قاتىستى شەكتەۋلەر تۋرالى ەسكەرتۋ جاسايمىز. ءبىز ق ر اكىمشىلىك قۇقىقبۇزۋشىلىق تۋرالى كودەكسىنىڭ 476-بابىنا سايكەس تالاپتاردى تۇسىندىرەمىز. جەرگىلىكتى پوليتسيا قىزمەتكەرلەرى تەك جەدەل شتابتىڭ تىزىلىمىندەگى مالىمەتتەرگە سۇيەنەدى. بۇل شارالار كارانتيندىك رەجيم اياقتالعانعا دەيىن وتكىزىلەدى»، - دەدى الماتى قالاسى پ د باسشىسىنىڭ ءبىرىنشى ورىنباسارى نۇرلان الماسبەكوۆ.