كوروناۆيرۋس جۇقتىردىم: زايساندا جالعان ايتقان زەينەتكەر ايىپپۇل تولەدى
زايسان قالاسىندا 60 جاستاعى ايەل watsاpp مەسسەندجەرى ارقىلى ءوزىنىڭ جۇقپالى دەرتكە شالدىققانى جايلى جالعان حابارلامالار جازعان.
«وسىلايشا ول دۇربەلەڭ تۋعىزىپ، حالىق اراسىندا داقپىرت سوزدەردىڭ تارالۋىنا تۇرتكى بولدى. زەينەتكەرگە قاتىستى ق ر اكىمشىلىك قۇقىق بۇزۋشىلىق تۋرالى كودەكستىڭ 478-بابى 1-بولىگىمەن 40 ا ە ك (1- ساۋىردەن باستاپ 1 ا ە ك - 2778 تەڭگە) مولشەرىندە ايىپپۇل سالىندى. بۇدان بولەك، ءتارتىپ ساقشىلارى رەيد بارىسىندا توتەنشە جاعداي كەزىندەگى جۇمىس ۋاقىتىنا قاتىستى شەكتەۋلەردى ساقتاماعان كاسىپكەردى انىقتادى. 52 جاستاعى ءدامحانا يەسى 10 اەك كولەمىندە ايىپپۇل تولەۋگە مىندەتتەلدى» ،- دەپ حابارلادى ش ق و پوليتسيا دەپارتامەنتىنىڭ باسپا ءسوز قىزمەتىنەن.
ەستەرىڭىزگە سالا كەتسەك، مەملەكەت باسشىسى قاسىم- جومارت توقايەۆ حالىققا جولداعان ۇندەۋىندە ەل اراسىندا جالعان اقپارات تاراتىپ، دۇربەلەڭ تۋعىزاتىندار زاڭعا سايكەس جاۋاپقا تارتىلاتىنىن ايتقان بولاتىن.