پرەزيدەنت ناقتىلانعان رەسپۋبليكالىق بيۋدجەت تۋرالى جارلىققا قول قويدى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ «2020 -جىلعا ارنالعان ناقتىلانعان رەسپۋبليكالىق بيۋدجەت تۋرالى» 2020 -جىلعى 8 ساۋىردەگى № 299 جارلىعىنا قول قويدى، دەپ حابارلايدى اقوردا.

الەمدىك ەكونوميكاداعى اعىمداعى جاعدايدى، تاۋار نارىقتارىنداعى باعا كونيۋنكتۋراسىن، سونداي- اق الەمدەگى كوروناۆيرۋس پاندەمياسىن ەسكەرە وتىرىپ، 2020 -جىلعا ارنالعان ماكروەكونوميكالىق كورسەتكىشتەردىڭ بولجامى ناقتىلاندى. بۇل بولجام جانە الەۋمەتتىك- ەكونوميكالىق تۇراقتىلىقتى قامتاماسىز ەتۋ جونىندەگى شارالاردى ىسكە اسىرۋ قاجەتتىلىگى 2020 -جىلعى رەسپۋبليكالىق بيۋدجەتتىڭ پارامەترلەرىن ناقتىلاۋعا نەگىزدەر بولىپ تابىلدى.