قازاقستاندا جەدەل اۋرۋحانا سالۋ تاجىريبەسى تۇرعىن ۇيدە دە قولدانىلادى
جۋرناليستەر كومپانيا باسشىسىنا اۋرۋحانا سالۋداعى جەدەل تەحنولوگيالار تۇرعىن ءۇي قۇرىسىندا قولدانىلا ما دەپ سۇراق قويعان ەدى. «ءيا، بۇل زاۋىتتى جازدا اشىپ (مودۋل شىعاراتىن «Modex» زاۋىتى - رەد.)، مامىر- ماۋسىم ايلارىندا جاڭا تۇرعىن ءۇي قۇرىلىسىن باستاۋىمىز كەرەك ەدى. بۇل تەحنولوگيا 16 قاباتتىق تۇرعىن ءۇيدى ءۇش ايدا سالۋعا، بارلىق وڭدەۋ جۇرگىزىپ، كىلتىن بەرۋگە مۇمكىندىك بەرەدى. بۇل زاۋىتتى تۇرعىزۋدى ءبىر جىل بۇرىن باستاپ ەدىك، قازىر كادەگە جاراعانىنا قۋانىشتىمىز»، - دەدى ايدىن راحىمبايەۆ تىلشىلەرگە بەرگەن سۇحباتىندا.
«بۇل - ەڭ جاڭا تەحنولوگيا، زاۋىتتى كەيىنىرەك ىسكە قوسامىز. وسى زاۋىت قۇرىلىس الاڭىندا 8-10 اداممەن عانا عيمارات تۇرعىزۋعا مۇمكىندىك بەرەدى. قازىرگى قۇرىلىسقا ءاربىر كومپانيادان كوماندالار كەلدى. سەبەبى، ۇكىمەت تاپسىرماسىمەن بۇل اۋرۋحانانى تەزىرەك تۇرعىزۋىمىز كەرەك»، - دەدى ايدىن راحىمبايەۆ.
سونىمەن بىرگە، سپيكەر مەردىگەرلەردىڭ كومەگى ءۇشىن ريزاشىلىق ءبىلدىردى. «كۇن سايىن «قانداي كومەك كەرەك؟» دەپ حابارلاسىپ جاتقاندار بار. كەشە «سەمەي- سەمەنت» ديرەكتورى حابارلاسىپ، ماتەريالدى ەكى ەسە تومەندەتىلگەن باعادا جەتكىزۋدى ۇسىندى. مەردىگەرلەر دە كومەك ۇسىنىپ، ءجيى حابارلاسادى»، - دەدى ا. راحىمبايەۆ.
ەسكە سالا كەتسەك، بۇگىن ەلوردالىق جۋرناليستەر COVID-19 ۆيرۋسىن جۇقتىرعانداردى جاتقىزۋعا ارنالعان گوسپيتال قۇرىلىسىمەن تانىستى. 3 - ساۋىردە ت ج رەجيمىن قامتاماسىز ەتۋ جونىندەگى مەملەكەتتىك كوميسسيا قازاقستاننىڭ ءۇش ءىرى قالاسىندا جۇقپالى اۋرۋلار اۋرۋحانالارىن سالۋدى ۇيعاردى. ونىڭ قۇرىلىسىنا تەز تۇرعىزىلاتىن قۇرىلىمدار قولدانىلماق .
اۆتور: ايجان سەرىكجان قىزى