بيىل ەگىستىك كولەمى قانشا

نۇر- سۇلتان. قازاقپارات – ق ر اۋىل شارۋاشىلىعى ۆيتسە- ءمينيسترى ايداربەك ساپاروۆ بيىلعى كوكتەمگى ەگىس جۇمىستارى قالاي جۇرگىزىلىپ جاتقانى تۋرالى ايتتى، دەپ حابارلايدى قازاقپارات ءتىلشىسى.

«جالپى 2020 -جىلى اۋىل شارۋاشىلىعى داقىلدارىنىڭ جالپى ەگىستىك كولەمى 22,5 ميلليون گ ا قۇرايدى. ءداندى جانە ءداندى- بۇرشاقتى داقىلداردىڭ الاڭى 15,2 ميلليون گ ا، سونىڭ ىشىندە بيدايدىڭ الاڭى - 11,4 ميلليون گ ا قۇرايدى» - دەدى ايداربەك ساپاروۆ و ك ق- دا وتكەن باسپا ءسوز ءماسليحاتىندا.

ۆيتسە- ءمينيستردىڭ ايتۋىنشا مەملەكەت باسشىسىنىڭ تاپسىرماسىن ورىنداۋ ماقساتىندا ەگىس القاپتارىن ءارتاراپتاندىرۋ جانە جوعارى رەنتابەلدى داقىلداردى وسىرۋگە كوشۋ بويىنشا جۇمىستار جالعاسىپ جاتىر. وسىلايشا، مايلى داقىلداردىڭ جوسپارلانعان الاڭى 3 ميلليون گ ا اۋماقتى قۇرايدى. بۇل اۋقىم وتكەن جىلمەن سالىستىرعاندا 122 مىڭ گ ا- عا كوپ.

«كوكونىس- باقشا داقىلدارى مەن كارتوپتىڭ الاڭى 19 مىڭ توننا، ازىقتىق داقىلدارىڭ الاڭدارى 309 مىڭ گ ا ءوسىمى قامتاماسىز ەتىلەدى. تەحنيكالىق داقىلداردىڭ (قانت قىزىلشاسى، ماقتا، تەمەكى) الاڭى 132 مىڭ گ ا قۇرايدى (18,6 مىڭ گ ا كەم). ەگىس الاڭدارىنىڭ قۇرىلىمىن، ەڭ الدىمەن، وبلىس اكىمدىكتەرىنە ىشكى نارىقتىڭ قاجەتتىلىگىنە قاراي جەتكىزەمىز. مىسالى، قاراقۇمىقتىڭ الاڭىنىڭ 30 مىڭ گ ا كوبەيۋى جوسپارلانعان. بۇل ءوزىمىزدى وسى داقىلعا دەگەن قاجەتتىلىككە تولىعىمەن قامتاماسىز ەتۋگە مۇمكىندىك بەرەدى»، - دەيدى ول.

ايداربەك ساپاروۆ اتاپ وتكەندەي تۇقىم دايىنداۋ ماسەلەسىنىڭ دە ماڭىزى زور. قازىرگى تاڭدا 2,5 ميلليون توننا تۇقىم قۇيىلعان. بۇل تۇقىمدىق ماتەريالعا دەگەن تولىق قاجەتتىلىكتى قامتاماسىز ەتەدى. بۇگىنگى كۇنى 1 ميلليون توننا تۇقىم تەكسەرىلىپ، كونديتسياعا 95 پايىزعا سايكەس كەلەتىنى انىقتالعان.

«وبلىستاردىڭ جەرگىلىكتى بيۋدجەتتەرىندە تۇقىم شارۋاشىلىعىن دامىتۋدى سۋبسيديالاۋعا 11,3 ميلليارد تەڭگە قاراستىرىلعان. قوسىمشا رەسپۋبليكالىق بيۋدجەت قاراجاتىنان شامامەن 29,4 مىڭ توننا تۇقىم جانە 838,7 مىڭ دانا ەليتالىق كوشەت ساتىپ الۋعا 2,5 ميلليارد تەڭگە ءبولىندى. سونداي- اق، جوعارى ءونىمدى الۋ ءۇشىن تىڭايتقىشتاردى قولدانۋ ماڭىزدى ءرول اتقارادى»، - دەيدى ۆيتسە- مينيستر.

اۆتور: ايان بەكەن ۇلى