نۇر- سۇلتانداعى گوسپيتالدىڭ قىتايلىق، وزبەكستاندىق اۋرۋحانالاردان ايىرماشىلىعى ءتۇسىندىرىلدى
«ءبىزدىڭ اۋرۋحانانىڭ قىتايداعى گوسپيتالدەن باستى ايىرماشىلىعى - تۇراقتى ستاتسيونار بولۋىندا. قىتاي دا ەپيدەميانى تولىق باعامداپ، ءبىر ايدان كەيىن عانا قۇرىلىستى باستاپ ەدى. سەبەبى ولار قانشا ورىن قاجەت بولاتىنىن ەسەپتەدى. ولار دا مودۋلدىك گوسپيتالدى اكەپ قويدى»، - دەدى ايدىن راحىمبايەۆ قۇرىلىس ماڭىندا تىلشىلەرگە بەرگەن سۇحباتىندا.
وزبەكستانداعى اۋرۋحانا قۇرىلىسىندا اۋا رايى دا ماڭىزدى ءرول اتقارعان. «قازىر تاشكەنتتە كۇن جىلى. سوندىقتان ولارعا ستاتسيونار سالۋ قاجەت بولمادى، شاتىرلىق- كونتەينەرلىك قالاشىق تۇرعىزدى. ءبىراق، ءبىزدىڭ مىندەتىمىز باسقا. ۋاقىتشا اۋرۋحانا تۇرعىزىپ، قايتادان بۇزۋ ءتيىمسىز. سوندىقتان ۇكىمەت دۇرىس شەشىم قابىلدادى. بىردەن، ستاتسيونارلىق جۇقپالى اۋرۋلار اۋرۋحاناسى سالىنادى»، - دەدى ا. راحىمبايەۆ.
ەسكە سالا كەتسەك، بۇگىن ەلوردالىق جۋرناليستەر COVID-19 ۆيرۋسىن جۇقتىرعانداردى جاتقىزۋعا ارنالعان گوسپيتال قۇرىلىسىمەن تانىستى. 3 - ساۋىردە ت ج رەجيمىن قامتاماسىز ەتۋ جونىندەگى مەملەكەتتىك كوميسسيا قازاقستاننىڭ ءۇش ءىرى قالاسىندا جۇقپالى اۋرۋلار اۋرۋحانالارىن سالۋدى ۇيعاردى.