ەلوردالىقتار بۇگىننەن باستاپ كوروناۆيرۋستى جەدەل انىقتايتىن تەستىلەۋدەن وتەدى

نۇر-سۇلتان. قازاقپارات - كوروناۆيرۋستى جەدەل انىقتايتىن تەست ەلورداعا جەتكىزىلدى.

بۇل تۋرالى ورتالىق كوممۋنيكاتسيالار قىزمەتىندەگى بريفينگتە نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى، دەپ حابارلايدى قازاقپارات ءتىلشىسى.

«ءدال قازىرگى ۋاقىتتا نۇر-سۇلتان قالاسىنا جەدەل تەست جەتكىزىلدى. جەدەل تەستىلەۋ باس مەملەكەتتىك سانيتار دارىگەردىڭ قاۋلىسىنا سايكەس ەپيدەميولوگيالىق كورسەتكىشتەر بويىنشا قاتاڭ جۇرگىزىلەدى. ەڭ ءبىرىنشى كەزەكتە كوروناۆيرۋس ىندەتى تارالۋىنىڭ الدىن الۋ جۇمىستارىنا جۇمىلدىرىلعان مەملەكەتتىك جانە مەملەكەتتىك ەمەس ورگانداردىڭ قىزمەتشىلەرى، مەديتسينالىق- سانيتارلىق ۇيىمداردىڭ باقىلاۋىندا تۇرعان ديسپانسەرلىك توپتاعى تۇلعالار مەن مەديتسينا قىزمەتكەرلەرى تەستىلەۋدەن وتەدى. بۇل جۇمىستار بۇگىننەن باستالادى»، - دەدى ساۋلە قيسىقوۆا.

اۆتور: مارلان جيەمباي