ەلوردا كوشەلەرىندە جۇرگەن اۆتوبۋستار كىمدەردى تاسىمالدايدى
دەگەنمەن، قالا كوشەلەرىندە باعدار بويىنشا قاتىناپ جۇرگەن اۆتوبۋستاردى اندا-ساندا بايقاپ قالۋعا بولادى، دەپ حابارلايدى قازاقپارات ءتىلشىسى.
وسىعان وراي «City Transportation Systems» كولىك كومپانياسىنان حابارلاسقان ەدىك. كومپانيا باسپا ءسوز قىزمەتى ۇسىنعان مالىمەتكە سايكەس، قازىرگى جاعدايدا نۇر-سۇلتان قالاسىنىڭ قوعامدىق كولىكتەرى ەڭ ءبىرىنشى كەزەكتە قالانىڭ تىنىس-تىرشىلىگىنە جۇمىلدىرىلعان مامانداردى تاسىمالداۋعا باعىتتالىپ وتىر.
«بۇگىنگى كۇنى ەكونوميكانىڭ تۇراقتى جۇمىسىن قامتاسىز ەتۋ، ازاماتتاردى الەۋمەتتىك قورعاۋ ءۇشىن ماڭىزدى سالالارعا قولداۋ كورسەتۋ - ءبىزدىڭ ورتاق مىندەتىمىز. «City Transportation Systems» كولىك كومپانياسى 30-ناۋرىزدان بەرى ەلوردانىڭ تىنىس- تىرشىلىگىن قامتاماسىز ەتەتىن مەديتسينا قىزمەتكەرلەرىن، پوليتسەيلەردى جانە وزگە دە قىزمەتكەرلەردى ارنايى باعدارمەن تەگىن تاسىمالداۋدى قامتاماسىز ەتىپ وتىر»، - دەدى اتالعان كومپانيادان.
قازىرگى ۋاقىتتا «City Transportation Systems» كولىك كومپانياسى ەلوردانىڭ 57 ۇيىمىنىڭ 6 مىڭنان استام قىزمەتكەرىن تەگىن تاسىمالدايدى. ولاردىڭ قاتارىندا قالالىق، اۋداندىق اكىمدىكتەردىڭ، 35 مەديتسينالىق ۇيىمنىڭ، قالالىق، اۋداندىق پوليتسيا دەپارتامەنتتەرىنىڭ، قازىناشىلىق كاسىپورنىنىڭ، ەڭبەك جانە حالىقتى الەۋمەتتىك قورعاۋ باسقارماسىنىڭ، جۇمىسپەن قامتۋ، داعدارىس ورتالىقتارىنىڭ، ءبىرقاتار قۇرىلىس كومپانياسىنىڭ قىزمەتكەرلەرى مەن جۇمىسشىلارى بار.
اۆتور: مارلان جيەمباي