مەدبيكە جىلاپ تۇرىپ ۆيدەوۇندەۋ جاسادى

None
None
نۇر-سۇلتان. قازاقپارات – انگلياداعى اۋرۋحانالاردىڭ ءبىرىنىڭ جانساقتاۋ بولىمىندە جۇمىس ىستەيتىن مەدبيكە ۆيدەوۇندەۋ جاريالادى، - دەپ حابارلايدى The Guardian.

شيرلي ۋوتتس ەسىمدى مەدبيكە كوزىنە جاس الا وتىرىپ، جۇمىس ىستەپ جۇرگەن اۋرۋحانادا دارىگەرلەردىڭ جەتىسپەيتىنىن ايتىپ، سالدارىنان مەدبيكەلەردىڭ ءوز ومىرىنە ءقاۋىپ توندىرۋگە ءماجبۇر بولىپ جاتقانىن ايتادى.

«تۇرىمە قاراڭىزدارشى. ماسكا تاعىپ جۇرگەننەن مۇرنىم تىتىركەنىپ كەتتى. ونى تاڭعى جەتىدەن بەرى شەشپەي تاعىپ ءجۇرمىن. جاعداي ۋشىعىپ جاتىر. اۋرۋحانادا دا جاعداي قيىن. قولىمىزدان كەلگەننىڭ بارلىعىن جاساپ جاتىرمىز»، - دەيدى مەدبيكە.

مەدبيكەنىڭ ايتۋىنشا، ينفەكتسيانىڭ تارالۋىنىڭ الدىن الۋدىڭ تەك ءبىرجولى بار - ول ۇيدە وتىرۋ.

«ءبىز ادام ءومىرىن ساقتاپ قالۋعا تىرىسىپ جاتىرمىز. سىزدەردى جانە سىزدەردىڭ جاقىندارىڭىزدىڭ ءومىرىن امان الىپ قالۋعا تىرىسىپ جاتىرمىز. سىزدەردىڭ مەنىڭ ءدال وسى جاعدايداعى ءتۇرىمدى كورگەندەرىڭىزدى قالايمىن. ادامدارعا مۇنىڭ قانشالىقتى قاۋىپتى ەكەنىن تۇسىنگەنىن قالايمىن»، - دەيدى ول.

ايتا كەتەيىك، بۇگىندە ۇلى بريتانيادا كوروناۆيرۋستان قايتىس بولعانداردىڭ سانى 6000 نان اسقان، ال ۆيرۋس جۇقتىرعانداردىڭ سانى - 55 مىڭ.


سوڭعى جاڭالىقتار