ەلباسى ءارقاشاندا حالقىمەن بىرگە ەكەنىن كورسەتىپ كەلەدى - ءماجىلىس ءتوراعاسى
«بۇگىن بارشا رەسپۋبليكالىق اقپارات قۇرالدارىندا تۇڭعىش پرەزيدەنتتىڭ ارنايى ۇندەۋى جاريالاندى. بۇل ۇندەۋ ەلباسى نۇرسۇلتان ءابىش ۇلى نازاربايەۆتىڭ ءارقاشاندا حالقىمەن بىرگە ەكەنىن كورسەتىپ، حالقىمىزدىڭ ىنتىماعىن ودان ءارى نىعايتۋعا سەرپىن بەرەدى. سەبەبى ەلباسىنىڭ كورەگەن ساياساتىنىڭ ارقاسىندا تاۋەلسىزدىك جىلدارى بىرلىگىمىز ارتىپ، ەلىمىزدە ءىرى ساياسي، ەكونوميكالىق، الەۋمەتتىك رەفورمالار جاسالىپ، قازاقستانىمىز بارلىق سالادا زور تابىستارعا جەتتى»، - دەدى ن. نىعماتۋلين ءماجىلىستىڭ جالپى وتىرىسىندا.
سونىمەن قاتار ول ەلىمىزدىڭ حالقى كومەكپەن قامتىلاتىنىن اتاپ ءوتتى. «سونىمەن بىرگە، بولاشاققا ارنالعان ۇلتتىق قورىمىز دا بار. بۇل قازىرگى كۇردەلى كەزەڭدە حالقىمىزدى، ءاربىر ازاماتتى جان- جاقتى قولداۋعا مۇمكىندىك بەرىپ وتىر. ءبىز بىرلىكتى، كەلىسىمدى، تۇراقتىلىقتى ساقتاپ، ۋاقىتشا قيىندىقتان امان- ەسەن شىعاتىن بولامىز»، - دەدى ءماجىلىس ءتوراعاسى.
ايتا كەتەيىك، ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ «بىرلەسە بىلگەن ەل ءبارىن جەڭەدى» اتتى ماقالاسى جاريالاندى.
«قازاقستان قاۋىپتى دەرتتىڭ الدىن الۋعا الەم ەلدەرىنىڭ ەڭ العاشقىلارىنىڭ ءبىرى بولىپ كىرىستى. ءتيىستى ساقتاندىرۋ شارالارى جاسالدى. مەملەكەتتىك ورگاندار ارناۋلى دايىندىقتان وتكىزىلدى. وزگە ەلدەردە ۆيرۋس قالاي پايدا بولىپ، پاندەميا قالاي ءوربىپ، ورشىگەنى باقىلاندى. سونىڭ ناتيجەسىندە ىندەتتىڭ ەتەك الىپ كەتۋىنە مۇمكىندىگىنشە جول بەرىلمەي، احۋال كۇن سايىن تۇراقتى نازاردا ۇستالىپ وتىر. جاعدايدى وڭالتۋ ءۇشىن كوپ جۇمىس ىستەلدى، ءالى دە تالاي شارۋا اتقارىلاتىن بولادى. يگى ماقساتتاعى ءىس- شارالاردىڭ بارىنە جەر-جەرلەردە بۇكىل حالىق بولىپ قولداۋ كورسەتكەنىمىز ءجون»، - دەدى ەلباسى.
اۆتور: رۋسلان عابباسوۆ