22:39, 07 - ءساۋىر 2020 | GMT +6
ەلوردانى كەزگەن «كاپيتان كارانتيننىڭ» كىم ەكەنى انىقتالدى
نۇر- سۇلتان. قازاقپارات - نۇر- سۇلتان قالالىق پوليتسيا دەپارتامەنتى ەلوردانى شۋلاتقان «كاپيتان كارانتيننىڭ» كىم ەكەنىن انىقتادى، دەپ حابارلايدى قازاقپارات ءتىلشىسى.
«الەۋمەتتتىك جەلىلەرگە مونيتورينگ جۇرگىزۋ بارىسىندا ءوزىن «كاپيتان كارانتين» دەپ اتاعان ازاماتتىڭ تۇرعىن ءۇي كەشەندەرىنىڭ تۇرعىندارىن ۇيدە قالۋى كەرەكتىگى جايلى ۇندەۋ تاستاپ جۇرگەنىن انىقتادىق. ونىڭ كىم ەكەنى انىقتالدى. ول - قالا تۇرعىنى. ونىمەن توتەنشە جاعداي رەجيمىن بۇزباۋ تۋرالى پروفيلاكتيكالىق اڭگىمە جۇرگىزىلدى»،- دەپ حابارلادى نۇر- سۇلتان قالالىق پوليتسيا دەپارتامەنتىنەن.
اتالمىش ەلوردا تۇرعىنىنىڭ Instagram-دا اككاۋنتى بار. كapitankarantin ءوز جازبالارىندا تۇرعىنداردى ۇيدەن شىقپاۋ كەرەكتىگىن ەسكەرتەدى.