+7 (701) 759 90 19
24 °С : نۇر-سۇلتان
30 °С : الماتى
USD 410.70 EUR 465.28
RUB 5.80 CNY 58.81
جاڭالىقتار

الەم ەلدەرىندە مەدبيكە جەتىسپەي جاتىر – د د ۇ

7 ءساۋىر 20:14
:ءبولىسۋ
الەم ەلدەرىندە مەدبيكە جەتىسپەي جاتىر – د د ۇ

نۇر- سۇلتان. قازاقپارت - دۇنيەجۇزىلىك دەنساۋلىق ساقتاۋ ۇيىمى الەم ەلدەرىندە مەدبيكەلەردىڭ جەتىسپەۋشىلىگىنە الاڭداۋشىلىق تانىتتى، دەپ حابارلايدى قازاقپارات ءتىلشىسى اتالعان ۇيىمنىڭ قازاقستانداعى كەڭسەسىنە سىلتەمە جاساپ.

«كوروناۆيرۋسپەن كۇرەسىمىز قوعام ءۇشىن جانە بارلىعىمىز ءۇشىن دە مەدبيكە ماماندىعىنىڭ قانشالىقتى ماڭىزدى ەكەندىگىن تاعى ءبىر مارتە كورسەتىپ بەردى. ەڭ قاۋىپتى جايتپەن، بارىنشا اۋىر ەڭبەك جاعدايىمەن بەتپە- بەت كەلگەن بۇكىل ەۋروپا وڭىرىندەگى جانە الەم مەدبيكەلەرى بۇل سىن- تەگەۋىرىندى باتىلدىقپەن ءارى كاسىبي بىلىكتىلىكپەن قارسى الدى. ولار الدىڭعى شەپتەگى بارلىق مەديتسينا قىزمەتكەرلەرىمەن بىرگە ءبىزدىڭ تەرەڭ قۇرمەتىمىز بەن العىسىمىزعا لايىق» ، - دەدى د د س ۇ ەۋروپالىق وڭىرلىك بيۋروسىنىڭ ديرەكتورى حانس انري پ. كليۋگە.

ۇيىمنىڭ قازاقستانداعى كەڭسەسى ۇسىنعان دەرەكتەرگە سايكەس، بۇگىندە الەمدە 28 ميلليونعا جۋىق مەديتسينا قىزمەتىنىڭ قىزمەتكەرلەرى بار. ال ەۋروپا وڭىرىندە 7,3 ميلليون مەدبيكە بار نەمەسە 10 مىڭ تۇرعىنعا شامامەن 79 مەدبيكەدەن كەلەدى. د د س ۇ زەرتتەۋىنە سايكەس، مەدبيكەلەردىڭ شامامەن 90 پايىزىن ايەلدەر قۇرايدى جانە ولاردىڭ تەك 25 پايىزى عانا باسشىلىق لاۋازىمدا قىزمەت ەتەدى.

«مەدبيكەلەر - بۇل دەنساۋلىعىمىزبەن بايلانىستى كوپتەگەن پروبلەمالارىمىزدى شەشۋ كىلتى. ەگەر مىقتى مەديتسينالىق قىزمەت بولعانىن قالاساق، وندا مەدبيكەلەرگە ينۆەستيتسيا سالىپ، وقىتۋىمىز كەرەك. ولار حالىقارالىق ستاندارتتار مەن ءبىلىم دەڭگەيىنە ساي بولۋى ءتيىس. سونىمەن قاتار ولارعا ءتيىستى قۇرال- جابدىقتاردا قولجەتىمدى بولۋى قاجەت. مەدبيكەلەر جۇمىستارىنا لايىقتى جالاقى الىپ، كاسىبي بىلىكتىلىكتەرىن دامىتۋعا دا مۇمكىندىكتەرى بولۋى كەرەك» ، - دەدى دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى وكىلى كەرولاين كلارينۆال.


#الةم  
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات