ەلباسى: ۇكىمەت قازىرگى قيىن كەزەڭدە بەلسەندى ءارى شۇعىل تۇردە جۇمىس جۇرگىزۋدە
«ۇلتتىق قوردان 4,5 ميلليارد دوللاردى بولۋگە كەلىستىم. ۇكىمەتتىڭ ءوزىنىڭ رەزەرۆى دە سونداي. 10 ميلليارد دوللاردىڭ توڭىرەگىندە قاراجات ەكونوميكاعا كومەك رەتىندە بەرىلمەك. وسى قىرۋار قاراجاتتى دۇرىس پايدالانا الساق، ءبىراز جەرگە دەيىن بارامىز. سول سەبەپتى ۋاقتىلى قابىلدانعان شارالاردىڭ ماڭىزى وتە زور»، - دەدى نۇرسۇلتان نازاربايەۆ ۇكىمەت باسشىسىمەن كەزدەسكەن كەزدە.
ەلباسى ۇكىمەت قازىرگى قيىن كەزەڭدە بەلسەندى ءارى شۇعىل تۇردە جۇمىس جۇرگىزىپ جاتقانىن ايتىپ ءوتتى.
«ۇكىمەت قازىرگى قيىن كەزەڭدە بەلسەندى ءارى شۇعىل تۇردە جۇمىس جۇرگىزۋدە. ءبىز شيكىزاتتىق رەسۋرستاردان تىس جۇمىستى كۇشەيتۋ تۋرالى بۇعان دەيىن دە ايتتىق. مىنە، سول باعىتتىڭ دۇرىستىعى سەزىلىپ وتىر. سول ءۇشىن قور قۇرىپ، يندۋستريالىق- يننوۆاتسيالىق باعدارلامانى باستادىق. ءبارى قازىر ءوز جەمىسىن بەرىپ جاتىر. وڭدەۋ ونەركاسىبىندە، كولىك قۇراۋداعى ءوسىم - وسى ۋاقىتقا دەيىنگى جۇمىستىڭ جەمىسى. ياعني، بۇل باعىتتاعى جۇمىستى جالعاستىرۋ كەرەك. توقسانىنشى جىلداردان بەرى بۇدان دا قيىن كەزەڭدەردى باستان وتكەرگەنبىز. بۇنى دا ەڭسەرەمىز. ەڭ باستىسى - حالىقتىڭ بىرلىگى مەن تىنىشتىعى كەرەك»، - دەدى ول.