ىشكى ىستەر مينيستىرلىگى كوروناۆيرۋستان قورعانۋ قۇرالدارىن تانىستىردى

None
None
نۇر- سۇلتان. قازاقپارات - ءى ءى م- دە كوروناۆيرۋستىق ينفەكتسيادان قورعاۋ قۇرالدارى تانىستىرىلدى، دەپ حابارلايدى ق ر ءى ى م باسپا ءسوز قىزمەتى.

توتەنشە جاعداي رەجيمى ەنگىزىلگەن العاشقى كۇننەن باستاپ مەديتسينا قىزمەتكەرلەرىمەن بىرگە حالىقتىڭ دەنساۋلىعىن قورعاۋ باعىتىندا پوليتسەيلەر مەن اسكەري قىزمەتشىلەر دە قىزمەت اتقارىپ جاتىر.


ولار بلوك- بەكەتتەردە جۇمىس ىستەپ، قوعامدىق ءتارتىپتى كۇزەتەدى، كارانتيندىك ايماقتاردا جۇقتىرۋ وشاقتارىن وقشاۋلاۋ بويىنشا ارنايى ءىس- شارالار جۇرگىزەدى. سانيتارلىق ەرەجەلەردى بۇزۋ ارەكەتتەرىنىڭ جولىن كەسەدى، الەۋەتتى جۇقتىرۋشىلار جانە ولارمەن بايلانىستا بولعانداردى ىزدەيدى. قىزمەتكە كىرىسكەندە «قاۋىپتىلىگى جوعارى توپتارىمەن» جۇمىس ىستەي وتىرىپ، مەديتسينا قىزمەتكەرلەرى سياقتى، ولار دا وزدەرىنە جۇقتىرۋ قاۋپىمەن بەتپە- بەت كەلەدى. وسىعان بايلانىستى ءى ءى م باسشىسىنىڭ تاپسىرماسى بويىنشا قىلمىستىق- اتقارۋ مەكەمەلەرىنىڭ بارلىق تىگىن سەحتارىندا ىشكى ىستەر ورگاندارىنىڭ قىزمەتكەرلەرىنە ارنالعان قورعانىس قۇرالدارىن تىگۋ جۇرگىزىلىپ جاتىر.


ماسەلەن، ءبىرىنشى كەزەڭدە مەديتسينالىق ماسكالاردى تىگۋ ءوندىرىسى جولعا قويىلدى، 1 ميلليونعا جۋىق قورعانىس بۇيىمى دايىندالدى، بۇل جەكە قۇرامنىڭ قورعانىس قۇرالدارىنا دەگەن قاجەتتىلىكتەرىن تولىعىمەن جابۋعا مۇمكىندىك بەردى. سونىمەن قاتار، پوليتسيا قىزمەتكەرلەرىنە ارنالعان ارنايى كوستيۋمدەر ءوندىرىسى باستالدى. قورعانىش كومبينەزون كوپ رەت قولدانىلاتىن، ول سۋ وتكىزبەيتىن اسەرى بار قوسپالى ماتادان جاسالعان. قىلمىستىق- اتقارۋ جۇيەسى مەكەمەلەرىندە قىسقا مەرزىمدە ءوندىرىسى جولعا قويىلعان بۇيىمداردىڭ جاڭا ءتۇرى قورعاۋدىڭ قوسىمشا قۇرالى بولىپ تابىلادى.

160 قورعانىس كومبينەزونىنان تۇراتىن ءبىرىنشى پارتيانى بلوك- بەكەتتە قىزمەت اتقاراتىن ەلوردالىق پوليتسەيلەر الدى. جاقىن ارادا قورعانىس كومبينەزوندارىمەن ءى ءى م- ءنىڭ بارلىق ايماقتىق بولىمشەلەرى قامتاماسىز ەتىلەدى. ءبىرىنشى كەزەكتە ولاردى كارانتيندىك ءىس- شارالارعا تارتىلعان قىزمەتكەرلەر الادى.

«كۇن سايىن 25 مىڭعا جۋىق پوليتسەي، قۇتقارۋشىلار جانە ۇلتتىق ۇلاننىڭ اسكەري قىزمەتشىلەرى جاساقپەن كۇزەتكە شىعادى. وسى قيىن جاعدايلاردا پەنيتەنتسيارلىق جۇيە ءوزىنىڭ تيىمدىلىگىن كورسەتتى. مەنىڭ تاپسىرمام بويىنشا قىلمىستىق- اتقارۋ جۇيەسى كوميتەتىنىڭ «ەڭبەك» ر م ك ازىرلەگەن قۇرالدار توتەنشە جاعداي كەزىندە ءوز قىزمەتتىك بورىشىن تاۋلىك بويى ورىندايتىن قىزمەتكەرلەرىمىزدىڭ دەنساۋلىعىن قورعاۋدى قامتاماسىز ەتۋگە مۇمكىندىك بەرەدى»، - دەدى ىشكى ىستەر ءمينيسترى ەرلان تۇرعىمبايەۆ.

بۇدان باسقا، ق ا ج ك باسشىلىعى «دەزينفەكسيالىق توننەل» دەپ اتالاتىن قورعانىس قۇرالىنىڭ تۇساۋكەسەرىن وتكىزدى. ءبىرىنشى ەكسپەريمەنتتىك ۇلگى ىشكى ىستەر مينيسترلىگىنىڭ عيماراتىنا كىرە بەرىستە ورناتىلعان. توننەل قۇرىلىمى قاراپايىم: ول دەزينفەكسيالىق قاسيەتى بار ارنايى فيزەرتىندىنى بۇركۋ قۇرالىمەن جابدىقتالعان. مۇنداي پۋنكتتەر ق ا ج مەكەمەلەرىندە كوروناۆيرۋستىق ينفەكسيانىڭ تارالۋىنىڭ الدىن الۋ ماقساتىندا بارلىق كولونيالاردا ورناتىلادى.


سوڭعى جاڭالىقتار