قازاقستان بىرىككەن اراب امىرلىكتەرىنە العاش رەت اۆياەكسپرەسپەن ەت ەكسپورتتادى
«ق ر ساۋدا جانە ينتەگراتسيا مينيسترلىگى بىرىككەن اراب امىرلىكتەرىنىڭ ەلشىلىگىمەن بىرلەسىپ، ب ا ءا- گە العاشقى ەكسپورتتىق اۆياەكسپرەسس ۇيىمداستىردى. اۆياەكسپرەسسپەن ابۋ- دابيگە قازاقستاندا وندىرىلگەن سالقىنداتىلعان 12 توننا قوي ەتى مەن 10 توننا سيىر ەتى جونەلتىلدى»، - دەلىنگەن تاراتىلعان اقپاراتتا.
ۆەدومستۆو مالىمەتىنشە، قازاقستاندىق ەت وندىرۋشىلەر بىرىككەن اراب امىرلىكتەرىنىڭ نارىعىن يگەرۋگە تىرىسىپ وتىر. جالپى، ول ەلدە قازاقستاندىق ونىمدەر ەكولوگيالىق تازا ءارى دامدىك ساپاسى جوعارى بولعاندىقتان باعالانادى. الايدا، لوگيستيكانىڭ كۇردەلىلىگى، سونداي- اق يسلام ىنتىماقتاستىعى ۇيىمى ەلدەرىنىڭ ستاندارتتاۋ جانە مەترولوگيا ينستيتۋتى قابىلداعان «حالال» ستاندارتى نەگىزىندە ونىمگە سايكەستىكتى راستاۋ راسىمدەرىنىڭ ۇزاقتىعى قازىرگى ۋاقىتقا دەيىن اراب نارىعىنا شىعۋعا ەلەۋلى كەدەرگى بولىپ كەلگەن.
«قازاقستاندىق ەت ب ا ءا- ءنىڭ لۋلۋ، كارفۋر، يۋنيون كووپەراتسياسى سىندى بارلىق ءىرى ساۋدا جەلىلەرىنە جەتكىزىلەدى»، ̶ دەدى بىرىككەن اراب امىرلىكتەرىنىڭ ق ر- داعى توتەنشە جانە وكىلەتتى ەلشىسى موحامماد احماد ال- دجابەر.
ساۋدا جانە ينتەگراتسيا مينيسترلىگىنىڭ مالىمەتىنشە، بۇعان دەيىن قازاقستاندىق ەتتى ەكسپورتقا تاسىمالداۋ ءۇشىن كوپ جاعدايدا تۇراقتى جولاۋشىلار رەيستەرى پايدالانىلىپ كەلگەن. ال بۇل جولى ەلىمىزگە امىرلىكتەردەن 13 تونناعا جۋىق گۋمانيتارلىق جۇك اكەلگەن ۇشاق پايدالانىپ وتىر. اۆتور: مارلان جيەمباي