+7 (701) 759 90 19
28 °С : نۇر-سۇلتان
32 °С : الماتى
USD 409.98 EUR 462.21
RUB 5.75 CNY 58.43
جاڭالىقتار

ەلباسى ۇكىمەت باسشىسى اسقار مامينمەن كەزدەستى

7 ءساۋىر 15:48
:ءبولىسۋ
ەلباسى ۇكىمەت باسشىسى اسقار مامينمەن كەزدەستى

نۇر- سۇلتان. قازاقپارات - قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆ ۇكىمەت باسشىسى اسقار مامينمەن كەزدەستى، دەپ حابارلايدى قازاقپارات elbasy.kz سايتىنا سىلتەمە جاساپ.

كەزدەسۋ بارىسىندا قازاقستاننىڭ تۇڭعىش پرەزيدەنتى ەلىمىزدە قابىلدانعان شارالاردىڭ ارقاسىندا كوروناۆيرۋس ينفەكتسياسىنىڭ تارالۋ قارقىنى تومەندەگەنىن ايتىپ ءوتتى.

«مەديتسينا قىزمەتكەرلەرىنىڭ كەلىسىلگەن جۇمىسىن ەرەكشە اتاپ وتكىم كەلەدى. قيىن جاعدايدا قۇقىق قورعاۋ ورگاندارى دا ءوز جۇمىسىنىڭ تيىمدىلىگىن كورسەتۋدە. ۇكىمەت پەن جەرگىلىكتى اتقارۋشى ورگاندار دا بەلسەندى جۇمىس ىستەپ جاتىر»، - دەدى نۇرسۇلتان نازاربايەۆ.

ەلباسى مەملەكەت باسشىسىنىڭ تاپسىرمالارىن ساپالى ورىنداۋدىڭ ماڭىزدىلىعىن اتاپ ءوتتى. «پرەزيدەنتتىڭ بارلىق باستاماسىن جەرگىلىكتى حالىققا جەتكىزۋدىڭ ماڭىزى زور. مەن بۇل تۋرالى وبلىس اكىمدەرىمەن تەلەفون ارقىلى سويلەسكەن كەزدە دە ايتتىم»، - دەدى قازاقستاننىڭ تۇڭعىش پرەزيدەنتى.

سونىمەن بىرگە نۇرسۇلتان نازاربايەۆ وسى جاعدايدا ەكونوميكالىق قاۋىپسىزدىكتى قامتاماسىز ەتۋ قاجەتتىلىگىنە نازار اۋداردى. «الەمدەگى ەكونوميكالىق احۋال كۇردەلى. ءبىراق ءبىرىنشى توقساننىڭ قورىتىندىسى بويىنشا ءبىزدىڭ ەلدىڭ كورسەتكىشتەرى جامان ەمەس. الايدا كارانتيننىڭ اسەرى ءالى كۇنگە دەيىن ەلدىڭ ەكونوميكالىق كورسەتكىشتەرىنە تولىق اسەر ەتپەگەنىن ەسكەرگەن ابزال. شاعىن جانە ورتا بيزنەستى قولداۋ جانە حالىقتى ازىق- تۇلىكپەن قامتاماسىز ەتۋ ماسەلەلەرى ماڭىزدى بولىپ قالا بەرەدى. ەندى داعدارىستان كەيىنگى كەزەڭدە نە ىستەيتىنىمىزدى ويلاستىرۋىمىز كەرەك. ەكونوميكا قۇلدىرايدى. ونىڭ سالدارى 2008 -جىلعى داعدارىستان كەيىنگى كەزەڭگە قاراعاندا اناعۇرلىم اۋىر بولاتىن سەكىلدى»، - دەدى ەلباسى.

نۇرسۇلتان نازاربايەۆ ۇلتتىق قور مەن ۇكىمەتتىڭ رەزەرۆىنەن وتاندىق ەكونوميكانى قولداۋ ءۇشىن 10 ميلليارد دوللاردىڭ ۋاقتىلى بولىنگەنىن جەتكىزدى. ءوز كەزەگىندە پرەمەر- مينيستر قازاقستاننىڭ تۇڭعىش پرەزيدەنتىنە كوروناۆيرۋس ينفەكتسياسىنىڭ تارالۋىن بولدىرماۋ جانە الەۋمەتتىك- ەكونوميكالىق تۇراقتىلىقتى قامتاماسىز ەتۋ بويىنشا قابىلدانعان شارالار تۋرالى اقپارات بەردى. كەزدەسۋ سوڭىندا نۇرسۇلتان نازاربايەۆ ەكونوميكانىڭ شيكىزاتتىق ەمەس سەكتورلارىن دامىتۋعا باعىتتالعان باعدارلامالاردى ىسكە اسىرۋدىڭ وزەكتىلىگىنە توقتالدى.

«ءبىزدىڭ ەلدە بۇدان دا قيىن كۇندەر وتكەن. ءبىز بۇل قيىندىقتاردى دا جەڭەمىز. ەڭ باستىسى - حالقىمىزدىڭ بىرلىگى مەن تىنىشتىعى. ۇكىمەت ءتيىمدى جۇمىس ىستەيدى دەپ سانايمىن. ەرتەڭ مەن قازاقستان حالقىنا ارنالعان ماقالامدى جاريالايمىن. قازىر بۇكىل الەمگە وڭاي ءتيىپ تۇرعان جوق. اۋرۋدىڭ شىرقاۋ شەگىنەن ءالى وتپەدىك. سوندىقتان ءبىز ءبىر- ءبىرىمىزدى قۇرمەتتەي وتىرىپ، سابىر پەن شىدامدى تانىتۋىمىز كەرەك»، - دەپ ءتۇيدى ەلباسى.

اۆتور: ايان بەكەن ۇلى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات