بۇگىننەن باستاپ كەز كەلگەن انىقتاما جارامسىز - الماتى پوليتسياسى
شەشىمنىڭ وزگەرۋىنە تۇرعىنداردا انىقتامانىڭ كوبەيىپ كەتۋى سەبەپ بولعان.
شەشىمدى الماتى قالاسى اكىمدىگى جانىنداعى توتەنشە جاعداي رەجيمىن قامتاماسىز ەتۋ جونىندەگى جەدەل شتاب قابىلداعان. شتاب شەشىمىمەن كارانتين كەزىندە جۇمىستى ىستەيتىن كاسىپورىنداردىڭ ەلەكتروندى دەرەكتەر بازاسى جاسالعان. بازاعا قالانىڭ تىنىس-تىرشىلىگىن قامتاماسىز ەتەتىن مەديتسينا، قۇقىق قورعاۋ، كوممۋنالدىق قىزمەت، ب ا ق وكىلدەرى، تاكسي جانە جەتكىزۋ قىزمەتتەرى مەن مەملەكەتتىك ورگان قىزمەتكەرلەرى ەنگىزىلدى. اتالمىش ۇيىمداردان وتىنىمدەر 1-2-ساۋىرگە دەيىن قابىلداندى. مەكەمە باسشىلارى قىزمەتكەرلەرىنە 6-ساۋىرگە دەيىن جارامدى انىقتامالار بەرگەن.
«قالا تۇرعىندارى تاراپىنان ءتۇرلى فورماتتاعى رۇقسات قاعازدارىن كورسەتكەن جاعدايلار جيىلەپ كەتتى. جەدەل شتاب ەشقانداي رۇقسات قاعازدار مەن ارنايى رۇقساتناما بەرىلمەيتىنىن رەسمي مالىمدەيدى. تەك ەلەكتروندى بازا عانا جۇمىس ىستەيدى. بۇگىنگى تاڭدا رۇقسات الۋعا ءوتىنىش جىبەرگەن بارلىق كاسىپكەرگە رۇقسات بەرۋ نەمەسە دالەلدى باس تارتۋى بار ەلەكتروندىق حاتتار جىبەرىلدى. دەرەكتەردى تولتىرۋ كەزىندەگى قاتەلىكتەردىڭ كوپ بولۋىنا، بازادا جەكەلەگەن قىزمەتكەرلەر مەن اۆتوكولىكتەردىڭ بولۋى نەمەسە بولماۋىنا بايلانىستى كاسىپكەرلەر الماتى پوليتسيا دەپارتامەنتىنىڭ بايلانىس ورتالىعىنا 2544007 تەلەفونى ارقىلى نەمەسە [email protected] ەلەكتروندىق پوشتاسى ارقىلى تەكسەرۋى كەرەك»، - دەلىنگەن الماتى قالاسى پ د تاراتقان اقپاراتتىق حابارلامادا.
«ايقىن»گازەتى