تۇركيادا ماسكا ساتۋعا تىيىم سالىندى

None
None
انكارا. انادولى- قازاقپارات - تۇركيادا كوروناۆيرۋس ينفەكسياسىنىڭ تارالۋىنا قارسى الدىن الۋ شارالارى كەزەڭ-كەزەڭىمەن قابىلدانۋدا.

بۇل تۋرالى پرەزيدەنت رەجەپ تايىپ ەردوعاننىڭ وتانداستارىنا جاساعان تەلەۇندەۋىندە ايتتى، دەپ حابارلايدى قازاقپارات انادولى اگەنتتىگىنە سىلتەمە جاساپ.

مەملەكەت باسشىسى تۇركيا بيلىگى حالىققا مەديتسينالىق ماسكانى تەگىن تاراتۋعا كىرىسكەنىن، ال ولاردىڭ اقشاعا ساتىلۋىنا تىيىم سالىنعانىن حابارلادى. ەردوعاننىڭ ايتۋىنشا، تۇركيانىڭ دەنساۋلىق ساقتاۋ جۇيەسى كۇن سايىن 20 مىڭنان استام كوروناۆيرۋس ينفەكسياسىنا تەست جۇرگىزە وتىرىپ، «ماڭىزدى كەزەڭنەن» وتكەن.

بۇدان بولەك، ەردوعان ىستانبۇل اۋەجايى اۋدانىندا ينفەكسيا تارالماس ءۇشىن 1000 توسەك- ورىندىق تاعى ەكى اۋرۋحانا بولاتىنىن مالىمدەدى. تۇركيا باسشىسى ەل ۇكىمەتى COVID-19 پاندەمياسى اياسىندا تاعى 2,3 ميلليون وتباسىنا كومەك كورسەتۋ جوسپارىن دايىنداپ جاتقانىن ايتىپ ءوتتى. ول وتكەن اپتادا باستالعان ۇلتتىق ىنتىماقتاستىق ناۋقانى كەزىندە قايىرىمدىلىققا 1,5 ميلليارد تۇرىك ليراسى جينالعانىن ايتتى.

سوڭعى جاڭالىقتار