كوروناۆيرۋستى جۇقتىرعان ۇلى بريتانيا پرەمەرى جانساقتاۋ بولىمىندە جاتىر
تەلەارنانىڭ حابارلاۋىنشا، ءبىر كۇن ىشىندە ساياساتكەردىڭ جاعدايى ناشارلاپ كەتكەننەن كەيىن دارىگەرلەر وسىنداي شەشىم قابىلداعان.
پرەمەر سىرتقى ىستەر ءمينيسترى دومينيك راابادان ەگەر قاجەتتىلىك تۋىنداسا، ۇكىمەت باسشىسىنىڭ مىندەتىن اتقارۋدى سۇراعان.
دجونسون وكپەنى جاساندى جەلدەتۋ قاجەت بولعان جاعدايدا، ساقتىق شارالارى رەتىندە قارقىندى تەراپيا بولىمىنە ورنالاستىرىلعان.
بۇعان دەيىن دجونسون Twitter- دەگى پاراقشاسىندا جوسپارلى سىناما تاپسىرۋ ءۇشىن دارىگەرىنىڭ كەڭەسى بويىنشا اۋرۋحاناعا بارعانىن جازعان، سەبەبى پرەمەردە ءالى دە سىرقات بەلگىسى كەتپەگەن.
ساياساتكەر ءوزىنىڭ جاقسى كوڭىل - كۇيدە ەكەنىن اتاپ ءوتتى.
دجونسون، سونداي-اق وعان جانە باسقا ادامدارعا كومەك كورسەتكەن دارىگەرلەرگە العىس ءبىلدىرىپ، بريتاندىقتاردى شەكتەۋ شارالارىن ساقتاۋعا شاقىردى.
ەسكە سالا كەتەيىك، كوروناۆيرۋستى حانزادا ۋەلس چارلز، دەنساۋلىق ساقتاۋ ءمينيسترى مەتت حەنكوك جانە انگليانىڭ باس سانيتارلىق دارىگەرى كريس ۋيتتي جۇقتىرعان بولاتىن. ولار ەمدەلىپ شىقتى.
شوتلانديا ىستەرى بويىنشا بريتاندىق مينيستر اليستەر دجەك جانە پرەمەردىڭ باس كەڭەسشىسى دومينيك كاممينگس بۇرىنعىشا وقشاۋلاۋدا جاتىر. كورولدىكتىڭ اۋماعىندا كارانتين 23- ناۋرىزدان باستاپ ەنگىزىلدى.
ۇلى بريتانيادا COVID-19 دان تاۋلىگىنە 439 ادام كوز جۇمعان. كوروناۆيرۋس پاندەمياسى كەزىندە قايتىس بولعانداردىڭ جالپى سانى - 5373. ەلدە كوروناۆيرۋستى 51608 ادام جۇقتىرعان.