جەلىدە «مەشىتتە كوروناۆيرۋس انىقتالدى» جالعان اقپارات تاراتقان ايەل ءىستى بولدى

None
None
شىمكەنت. قازاقپارات - الەۋمەتتىك جەلىدە شىمكەنت مەشىتىندە كوروناۆيرۋس جۇقتىرعان ادام انىقتالعانى تۋرالى جالعان اقپارات تارادى، دەپ حابارلايدى قازاقپارات ءتىلشىسى.

قالالىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، جالعان اقپارات Facebook الەۋمەتتىك جەلىسىندە جاريالانعان.

ونى پوليتسەيلەر الەۋمەتتىك جەلىلەردەگى اقپاراتتارعا مونيتورينگ جۇرگىزۋ بارىسىندا انىقتاعان.

«جەدەل ىزدەستىرۋ شارالارى بارىسىندا جالعان حابارلامانى تاراتتى دەگەن كۇدىكپەن 52 جاستاعى قالا تۇرعىنى ۇستالدى. قازىرگى تاڭدا اتالعان ءجايت بويىنشا قىلمىستىق كودەكستىڭ 274-بابى 2-بولىگى بويىنشا ءىس قوزعالىپ، ءال-فارابي اۋداندىق پ ب تەرگەۋ شارالارى جۇرگىزىلۋدە»، - دەلىنگەن مالىمەتتە.


سوڭعى جاڭالىقتار