كوروناۆيرۋس: ناۋقاس جامبىل وبلىسىنا ەلوردادان بارعان

تاراز. قازاقپارات - جامبىل وبلىسىندا كوروناۆيرۋس ىندەتىن جۇقتىرعان ناۋقاس نۇر- سۇلتان قالاسىنان كەلگەن، دەپ حابارلايدى قازاقپارات coronavirus2020.kz سايتىنا سىلتەمە جاساپ.

6 -ءساۋىر كۇنى جامبىل وبلىسىندا ينفەكتسيانى جۇقتىرۋدىڭ تاعى ءبىر جاعدايى انىقتالعانىن بۇعان دەيىن جازعان بولاتىنبىز. «ىندەتكە شالدىققان ناۋقاس 1992-جىلعى نۇر- سۇلتان قالاسىنىڭ تۇرعىنى. جەكە كولىگىمەن تاراز قالاسىندا تۇراتىن اتا- اناسىنا كەلگەن. 5 -ءساۋىر كۇنى جرۆي بەلگىلەرىمەن پروۆيزورلىق ستاتسيونارعا جاتقىزىلعان. كوروناۆيرۋسقا تاپسىرعان لابوراتوريالىق تالداۋ وڭ ناتيجە كورسەتتى. ناۋقاسپەن بايلانىستا بولعان ادامداردىڭ بارلىعى انىقتالىپ، كارانتيندىك ستاتسيونارعا جاتقىزىلدى. ولاردىڭ جاعدايى قاناعاتتانارلىق، شاعىم جوق. مەكەنجاي وشاعى مەن بارعان جەرلەرىنە دەزينفەكتسيا جۇمىستارى جۇرگىزىلدى»،- دەلىنگەن اقپاراتتا.

ايتا كەتەيىك، جامبىل وبلىسىندا ۆيرۋستى جۇقتىرعاندار سانى 29 ادامعا جەتتى.